தயாரிப்பாளர்களிடம் முன்பணம் பெற்றுக் கொண்டு படம் நடிக்காத தனுஷ் உள்ளிட்ட சில நடிகர்கள் எதிர்வரும் காலங்களில் நடிக்கும் படங்களுக்கு ஒத்துழைப்பு கொடுப்பது இல்லை என முடிவு எடுத்து அறிவிக்கப்பட்டது.
இதன் அடிப்படையிலேயே நேற்றைய தினம் நடைபெற்ற பொதுக்குழு கூட்டம் முடிந்த பின் நடைபெற்ற பத்திரிகையாளர்கள் சந்திப்பில் ஐந்து நடிகர்கள் என முரளி ராமசாமி கூறியிருக்கிறார் எனக் குறிப்பிடும் தயாரிப்பாளர்கள் அவரால் அறிவிக்க மட்டும் தான் முடியும், நடவடிக்கை எடுக்க முடியாது என்கின்றனர்.
தயாரிப்பாளர்களுக்கு முறையான ஒத்துழைப்பு வழங்காத சில நடிகர்களுக்கு எதிராக தீர்மானம் நிறைவேற்றியுள்ளோம் என்று தேனாண்டாள் முரளி தெரிவித்துள்ளார்.
தமிழ் சினிமாவில் தற்போது பிரம்மாண்டமான படங்களை தயாரித்து வரும் ஏஜிஎஸ் எண்டர்டெயின்மென்ட், லைகா நிறுவனங்களை பிரதிநிதித்துவப்படுத்தும் வேட்பாளர்கள் நிர்வாக பொறுப்புக்கு போட்டியிடுவதால் முக்கியத்துவம் மிக்க தேர்தலாக இந்த தேர்தல் மாறியுள்ளது.