birthday wishes

இந்திய கம்யூனிஸ்ட் கட்சியின் மூத்த தலைவர் நல்லகண்ணு இன்று(டிசம்பர் 26 ) தனது 98 வது பிறந்த நாளை கொண்டாடுகிறார். அரசியல் வாழ்வில் முதுபெரும் அனுபவம் கொண்ட நல்ல கண்ணு தமிழகத்திற்கும் தமிழக வளர்ச்சிக்கும் பெரும் பங்காற்றியவர். குறிப்பாக ஒடுக்கப்பட்ட மக்களுக்காக குரல் எழுப்பிய இவர் சமூக அத்துமீறல்களையும் எதிர்த்து போராடியவர். தனக்கென எதையும் சேர்த்து வைக்காத எளிமையின் சிகரமாக திகழும் நல்லகண்ணு தனது 80 வது பிறந்தநாளின் போது கட்சி சார்பில் வசூலித்து தனக்கு அளிக்கப்பட்ட ஒரு கோடி ரூபாய் திரும்பவும் கட்சிக்கு அளித்தார். இவரின் பெருமையை போற்றும் விதமாக தமிழக அரசு இவருக்கு அம்பேத்கர் விருது , தகை சால் தமிழர் விருது உள்ளிட்டவற்றை வழங்கி உள்ளது. கடந்த ஆண்டு இவருக்கு வழங்கப்பட்ட தகைசால் தமிழர் விருதின் போது ரூ. 10 லட்சத்திற்கான காசோலையும் வழங்கப்பட்டது. ஆனால் அந்த காசோலையுடன் சேர்த்து ரூ. 5000 யை கூடுதலாக தமிழக முதல்வர் நிவாரண நிதிக்கு நல்லகண்ணு வழங்கினார்.