தமிழ்நாடு பிரிமியர் லீக் கிரிக்கெட் போட்டிகள் இன்று (ஜூலை 5) தொடங்குகிறது.
8வது டிஎன்பிஎல் கிரிக்கெட் போட்டித் தொடர் இன்று (ஜூலை 5) முதல் ஆகஸ்ட் 4ஆம் தேதி வரை சென்னை, சேலம், கோவை, நெல்லை, திண்டுக்கல் ஆகிய 5 இடங்களில் நடைபெறுகிறது.
இந்த தொடரில் ப்ளே ஆஃப் மற்றும் இறுதிப்போட்டி உட்பட மொத்தம் 32 போட்டிகள் நடைபெறுகிறது. டிஎன்பிஎல் தொடரின் முதல் லீக் போட்டிகள் ஜூலை 5 முதல் 11ஆம் தேதி வரை சேலத்திலும், இரண்டாம் லீக் போட்டிகள் ஜூலை 13 முதல் 18ஆம் தேதி வரை கோவையிலும், மூன்றாவது லீக் போட்டிகள் ஜூலை 20 முதல் 24ஆம் தேதி வரை நெல்லையிலும், கடைசி லீக் போட்டிகள் ஜூலை 26 முதல் 28ஆம் தேதி வரை திண்டுக்கல்லிலும் நடைபெற உள்ளன.
குவாலிபையர் 1, எலிமினேட்டர் போட்டிகளும் ஜூலை 30 மற்றும் 31ஆம் தேதிகளில் திண்டுக்கலில் நடக்கிறது. 2-வது குவாலிபையர் மற்றும் இறுதிப்போட்டிகள் ஆகஸ்ட் 2 மற்றும் 4-ஆம் தேதிகளில் சென்னை சேப்பாக்கம் மைதானத்தில் நடக்கிறது.
போட்டிகள் அனைத்தும் இரவு 7.15 மணிக்கு தொடங்கும். ஒரே நாளில் இரண்டு போட்டிகள் நடக்கும் சமயத்தில் மதியம் 3.15 மணிக்கு ஒரு ஆட்டம் தொடங்கும்.
தமிழ்நாடு பிரீமியர் லீக் தொடரில் சேப்பாக் சூப்பர் கில்லீஸ், திண்டுக்கல் டிராகன்ஸ், ஐட்ரீம் திருப்பூர் தமிழன்ஸ், நெல்லை ராயல் கிங்ஸ், லைகா கோவை கிங்ஸ், எஸ்.கே.எம் சேலம், ஸ்பார்ட்டன்ஸ் சீகம் மதுரை பேந்தர்ஸ் மற்றும் திருச்சி கிராண்ட் சோழாஸ் ஆகிய 8 அணிகள் பங்கேற்கின்றனர்.
சேலத்தில் இன்று (ஜூலை 5) தொடங்கும் முதல் லீக் ஆட்டத்தில் கோவை கிங்ஸ் அணியும், சேப்பாக் சூப்பர் கில்லீஸ் அணியும் மோதுகின்றன. இந்த தொடர் ஸ்டார் ஸ்போர்ட்ஸ் 1 தமிழ் மற்றும் ஸ்டார் ஸ்போர்ட்ஸ் 1 HD சேனல்களில் ஒளிபரப்பாகிறது.
இந்து
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…
