ஆஸ்திரேலியாவிற்கு எதிரான கடைசி 2 டெஸ்ட் போட்டிகளுக்கான இந்திய அணி அறிவிக்கப்பட்டுள்ளது. டெஸ்ட் அணியின் துணை கேப்டன்சியிலிருந்து கே.எல். ராகுல் நீக்கப்பட்டுள்ளார்.
இந்தியா – ஆஸ்திரேலியா இடையேயான 4 டெஸ்ட் போட்டிகள் கொண்ட தொடரின் முதல் 2 போட்டிகளிலும் வெற்றி பெற்று இந்திய அணி 2-0 என தொடரில் முன்னிலை வகிக்கிறது.
இந்த தொடர் தொடங்குவதற்கு முன் முதல் 2 டெஸ்ட் போட்டிகளுக்கான இந்திய அணி தான் அறிவிக்கப்பட்டிருந்தது.
இந்நிலையில் , ஆஸ்திரேலியாவுக்கு எதிரான 3 மற்றும் 4 வது டெஸ்ட் போட்டிக்கான இந்திய அணியையும், ஒருநாள் தொடருக்கான இந்திய அணியையும் பிசிசிஐ இன்று (பிப்ரவரி 19 ) அறிவித்துள்ளது.
இதில் டெஸ்ட் அணியின் துணை கேப்டன் பதவியில் இருந்து கே.எல். ராகுல் நீக்கப்பட்டுள்ளார். ஒருநாள் தொடருக்கான இந்திய அணியில் கேப்டனாக ரோகித்தும், துணை கேப்டனாக பாண்டியாவும் நியமிக்கப்பட்டுள்ளனர்.
ரஞ்சி டிராபி ஃபைனலில் ஆடுவதற்காக 2வது டெஸ்ட்டிலிருந்து விடுவிக்கப்பட்ட ஜெய்தேவ் உனாத்கத் மீண்டும் அணியில் சேர்க்கப்பட்டுள்ளார்.
இந்திய டெஸ்ட் அணி வீரர்கள்
ரோகித் சர்மா (கேப்டன்), கே.எல்.ராகுல், சுப்மன் கில், புஜாரா, விராட் கோலி, கே.எஸ்.பரத் (விக்கெட் கீப்பர் ), இஷன் கிஷன் (விக்கெட் கீப்பர் ), ரவிச்சந்திரன் அஷ்வின், அக்சர் படேல், குல்தீப் யாதவ், ஜடேஜா, முகமது ஷமி, முகமது சிராஜ், ஸ்ரேயஸ் அய்யர், சூர்யகுமார் யாதவ், உமேஷ் யாதவ், ஜெய்தேவ் உனத்கட்.
ஒருநாள் தொடருக்கான இந்திய அணி வீரர்கள்
ரோகித் சர்மா (கேப்டன்), சுப்மன் கில், விராட் கோலி, ஸ்ரேய்ஸ், சூர்யகுமார், கே.எல்.ராகுல். ஹர்த்திக் பாண்ட்யா (துணை கேப்டன்), இஷன் கிஷன் (விக்கெட் கீப்பர்), ஜடேஜா, குல்தீப் யாதவ், வாஷிங்டன் சுந்தர், யுஸ்வேந்திர சாஹல், முகமது ஷமி, முகமது சிராஜ், உம்ரான் மாலிக், ஷர்துல் தாக்கூர், அக்சர் படேல், ஜெய்தேவ் உனத்கட்.
இந்தியா மற்றும் ஆஸ்திரேலியா அணி மோதம் மூன்றவது டெஸ்ட் போட்டி மார்ச் 1 ஆம் தேதி நடைபெறவுள்ளது குறிப்பிடத்தக்கது.
மு.வா.ஜெகதீஸ் குமார்
ஜடேஜா, அஷ்வின் அதிரடி: 113 ரன்களில் அவுட்டான ஆஸ்திரேலியா
திமுக அரசை கண்டித்து அண்ணாமலை உண்ணாவிரத போராட்டம்!
