அமெரிக்காவின் மியாமியில் நடைபெற்று வரும் எஃப்டிஎக்ஸ் கிரிப்டோ போட்டியில் தமிழக செஸ் வீரர் பிரக்ஞானந்தா விளையாடி வருகிறார்.
முதல் சுற்றில் உலகின் நம்பர் 1 ஜூனியர் வீரர் அலிரேஸா ஃபிரோஜாவை எதிர்கொண்டார் 17 வயது பிரக்ஞானந்தா. அந்த ஆட்டத்தில் வெற்றியும் பெற்றார். அதேபோல் இன்று (ஆகஸ்ட் 19 ) உலகின் நம்பர் 6 வீரரான அமெரிக்காவின் லெவன் அரோனியை எதிர்கொண்டார்.
இந்த போட்டியில் 3-1 என்ற கணக்கில் லெவன் அரோனியை தோற்கடித்துள்ளார். இதன் மூலம் அவர் தனது 4 வது வெற்றியை பதிவு செய்துள்ளார்.
இதற்கு முன்பு தமிழக வீரர் பிரக்ஞானந்தா ஆடிய மூன்று சுற்றுகளிலும் வெற்றி பெற்றிருப்பது குறிப்பிடத்தக்கது.
இந்நிலையில் , 8 பேர் விளையாடும் இந்த போட்டியில் 12 புள்ளிகளுடன் பிரக்ஞானந்தா முதலிடத்தை கார்லசனுடன் பகிர்ந்துள்ளார். இந்த போட்டிகள் ஆகஸ்ட் 24 ஆம் தேதி வரை நடைபெறுகிறது.
மு.வா.ஜெகதீஸ் குமார்
செஸ் ஒலிம்பியாட் : அக்கா-தம்பி வைஷாலி, பிரக்ஞானந்தா வெற்றி!
