16 வது ஐ.பி.எல் சீசன் போட்டிகள் கடந்த மார்ச் மாதம் 31 ஆம் தேதி உலகின் மிகப்பெரிய கிரிக்கெட் மைதானமான குஜராத் மாநிலம் அகமதாபாத் நகரில் உள்ள நரேந்திர மோடி மைதானத்தில் மிக பிரமாண்டமாக தொடங்கியது. இந்த ஆண்டிற்கான ஐ.பி.எல் கோப்பையை யார் வெல்வார்கள் என்ற எதிர்பார்ப்புடன் போட்டிகள் நடைபெற்று வருகிறது.
இந்நிலையில், கொல்கத்தா நைட் ரைடர்ஸ் மற்றும் குஜராத் டைட்டன்ஸ் அணிகளுக்கு இடையிலான போட்டி இன்று (ஏப்ரல் 9)பிற்பகல் 3.30 மணிக்கு அகமதாபாத் மைதானத்தில் நடைபெற உள்ளது.
இந்த 16ஆவது சீசனில் டெல்லி கேபிடல்ஸ், மும்பை இந்தியன்ஸ் மற்றும் சன்ரைசர்ஸ் ஹைதராபாத் ஆகிய அணிகள் மட்டுமே இன்னும் வெற்றி கணக்கை தொடங்காமல் உள்ளது.
இதனிடையே, குஜராத் டைட்டன்ஸ் அணி இன்று நடக்கும் கொல்கத்தா நைட் ரைடர்ஸ் அணிக்கு எதிரான போட்டியில் தனது ஹாட்ரிக் வெற்றியை பதிவு செய்ய கடுமையாக போராடும் என்று எதிர்பார்க்கப்படுகிறது. அதே நேரம் ஹாட்ரிக் வெற்றியை தடுக்கும் நோக்கில் கொல்கத்தா நைட் ரைடர்ஸ் அணி களம் காண உள்ளது.
குஜராத் டைட்டன்ஸ் அணியில் ஒவ்வொரு வீரரும் சிறப்பாக விளையாடி வருகின்றனர். பந்து வீச்சில் முகமது ஷமி, அல்ஜாரி ஜோசஃப், ரஷீத் கான் சிறப்பாக செயல்பட்டு வருகின்றனர்.
அதே போன்று, பேட்டிங்கில் சகா, சுப்மன் கில், சாய் சுதர்சன், ஹர்திக் பாண்டியா, டேவிட் மில்லர், விஜய் சங்கர் என ஒவ்வொருவரும் தங்களது பங்களிப்பை அளித்து வருகின்றனர்.
கொல்கத்தா நைட் ரைடர்ஸ் அணியைப் பொறுத்தவரையில் குர்பாஸ் சிறப்பாக விளையாடி வருகிறார். வெங்கடேஷ் ஐயர், மந்தீப் சிங், நிதிஷ் ராணா, ஆண்ட்ரூ ரசல் ஆகியோர் சொதப்பி வரும் நிலையில், இன்றைய போட்டியில் அவர்களது ஆட்டம் எப்படி இருக்கும் என்பதை காண ரசிகர்கள் காத்திருக்கின்றனர். பந்து வீச்சைப் பொறுத்த வரையில், சுனில் நரைன், வருண் சக்கரவர்த்தி, சுயாஷ் ஷர்மா, ஷர்துல் தாக்கூர் ஆகியோர் சிறப்பான ஆட்டத்தை வெளிப்படுத்தி வருகின்றனர்.
இவர்கள், ராயல் சேலஞ்சர்ஸ் பெங்களூரு அணிக்கு எதிரான போட்டியில் சிறப்பான ஆட்டத்தை வெளிப்படுத்தி வெற்றி வாகை சூடினர். கொல்கத்தா நைட் ரைடர்ஸ் அணி 2 போட்டிகளில் விளையாடி ஒரு போட்டியில் வெற்றி பெற்றுள்ளது.
ஆனால், குஜராத் டைட்டன்ஸ் 2 போட்டியில் விளையாடி இரண்டிலும் வெற்றி கண்டுள்ளது.கேகேஆர் அணியில் இடம் பெற்ற ஜேசான் ராய் இந்தப் போட்டியில் வெங்கடேஷ் ஐயருக்குப் பதிலாக களமிறங்குவார் என்று எதிர்பார்க்கப்படுகிறது. இதே போன்று மந்தீப் சிங்கிற்குப் பதிலாக ஜெகதீசன் களமிறங்கும் வாய்ப்பிருப்பதாக கூறப்படுகிறது.
குஜராத் டைட்டன்ஸ் உத்தேச ஆடும் 11 வீரர்கள்
சுப்மன் கில், விருத்திமான் சகா (விக்கெட் கீப்பர்), சாய் சுதர்சன், ஹர்திக் பாண்டியா (கேப்டன்), டேவிட் மில்லர், ராகுல் திவேதியா, ரஷீத் கான், அல்சாரி ஜோசஃப், முகமது ஷமி, ஜோஷுவா லிட்டில், யாஷ் தயாள்
கொல்கத்தா நைட் ரைடர்ஸ் உத்தேச ஆடும் 11 வீரர்கள்
ஜேசன் ராய், ரஹமானுல்லா குர்பாஸ் (விக்கெட் கீப்பர்), மந்தீப் சிங், நிதிஷ் ராணா, ரிங்கு சிங், ஆண்ட்ரூ ரஸல், ஷர்துல் தாக்கூர், சுனில் நரைன், டிம் சவுதி, உமேஷ் யாதவ், வருண் சக்கரவர்த்தி
மு.வா.ஜெகதீஸ் குமார்
ரொனோல்டோவின் இமாலய சாதனையை முறியடித்த மெஸ்ஸி
பிற மாநில மொழிகளில் சிஆர்பிஎஃப் தேர்வு: அமித்ஷாவிற்கு முதல்வர் கடிதம்!
