ஆசியக் கோப்பை பெண்கள் டி20: இந்திய அணி வெற்றி

விளையாட்டு

வங்காளதேசத்தில் ஏழு அணிகள் பங்கேற்று விளையாடும் ஆசியக் கோப்பை பெண்கள் டி20 கிரிக்கெட் போட்டி இன்று (அக்டோபர் 1 ) தொடங்கியது.

இந்த தொடரில் இன்று (அக்டோபர் 1 ) நடைபெற்ற லீக் ஆட்டத்தில் இந்தியா-இலங்கை பெண்கள் அணிகள் மோதின. டாஸ் வென்ற இலங்கை பெண்கள் அணி பந்து வீச்சை தேர்வு செய்தது.

இதையடுத்து களம் இறங்கி விளையாடிய இந்திய பெண்கள் அணி 20 ஓவர் முடிவில் 6 விக்கெட் இழப்பிற்கு 150 ரன்கள் எடுத்தது.

அதிகபட்சமாக சிறப்பாக விளையாடிய இந்திய வீராங்கனை ஜெமிமா ரோட்ரிக்ஸ் 53 பந்தில் 76 ரன்கள் குவித்தார். கேப்டன் ஹர்மன்பிரித் கவுர் 33 ரன் எடுத்தனர்.

Asia cup womens t20 India win

பின்னர் விளையாடிய இலங்கை பெண்கள் அணி 18.2 ஓவர் முடிவில் 109 ரன்களுக்கு ஆட்டமிழந்தது. அதிகபட்சமாக அந்த அணியின் ஹர்ஷித 26 ரன்னும், ஹாசினி பெரேரா 30 ரன்னும் எடுத்தனர். மற்ற வீராங்கனைகள் சொற்ப ரன்களில் பெவிலியன் திரும்பினர்.

Asia cup womens t20 India win


இந்திய பந்துவீச்சாளர்களான ஹேமலதா 3 விக்கெட்டும், பூஜா வஸ்த்ரகர், தீப்தி சர்மா ஆகியோர் தலா 2 விக்கெட்டுகளும் எடுத்தனர். இதையடுத்து இந்திய பெண்கள் அணி 41 ரன்கள் வித்தியாசத்தில் வெற்றி பெற்றது.

மு.வா.ஜெகதீஸ் குமார்

டி20 உலக கோப்பையில் பும்ரா விளையாடுவாரா? கங்குலி புது ட்விஸ்ட்!

மேற்கு வங்க ஆளுநர் இல.கணேசன் மருத்துவமனையில் அனுமதி!

+1
0
+1
0
+1
0
+1
0
+1
0
+1
0
+1
0

Leave a Reply

Your email address will not be published. Required fields are marked *