சென்னை மெட்ரோவில் ஆறு பெட்டிகள்!

சென்னை மெட்ரோ ரயில் பயணிகளின் தேவைகளைப் பூர்த்தி செய்யும் நோக்கில் ஆறு பெட்டிகள் கொண்ட 28 ரயில்களை கொள்முதல் செய்ய தமிழக அரசு ஒப்புதல் அளித்துள்ளது.

மெட்ரோ ரயில் நிர்வாகம் 2028ஆம் ஆண்டின் உத்தேச பயணிகளின் தேவைகளைப் பூர்த்தி செய்யும் நோக்கில் பணிகள் மேற்கொண்டுள்ளது. இவற்றில் ஆறு பெட்டிகள் கொண்ட 28 ரயில்களை அறிமுகப்படுத்தப்படும் திட்டம் முக்கியமானது.

கடந்த 2022ஆம் ஆண்டில் ஜனவரி முதல் டிசம்பர் வரையிலான காலகட்டத்தில், சென்னை மெட்ரோ ரயில் பயணிகளின் எண்ணிக்கை 156 சதவிகிதம் அதிகரித்துள்ளது. இந்த ரயில்கள் 19 மணி நேர செயல்பாட்டின்போது, ஒரு நாளைக்கு சுமார் 2.5 லட்சம் பயணிகளை ஏற்றிச் செல்கின்றன.

இரண்டாம்கட்டச் செயல்பாடுகள் தொடங்கும் நேரத்தில், தற்போதுள்ள அதிர்வெண்ணைக் கொண்டு நிர்வகிப்பது கடினமாக இருக்கும் என்றும், காலப்போக்கில், அது கூட்ட நெரிசலை ஏற்படுத்தும் என்றும் கூறப்படுகிறது.