�
சிம்பு நடிக்கும் மாநாடு படத்தின் படப்பிடிப்பு குறித்த அறிவிப்பு வெளியாகியுள்ளது.
பிரபல மலையாள இயக்குநர் பிரியதர்ஷன் மற்றும் நடிகை லிஸ்ஸியின் மகளான கல்யாணி பிரியதர்ஷன் தெலுங்கு திரைப்படமான ஹலோ மூலம் திரையுலகிற்கு அறிமுகமானவர். இவர் நடித்த முதல் படத்திலேயே சிறந்த அறிமுக நடிகைக்கான விருதையும் பெற்றிருந்தார்.
மித்ரன் இயக்கத்தில் சிவகார்த்திகேயன் நடித்துவரும் ஹீரோ திரைப்படம் மூலம் தமிழில் அறிமுகமாக இருக்கிறார். மேலும் அறிமுக இயக்குநர் கார்த்திக்கின் இயக்கத்தில் துல்கர் சல்மான் நடிக்கும் ‘வான்’ படத்திலும் நடித்து வருகிறார்.
இவர் மாநாடு திரைப்படத்தில் சிம்புவுடன் இணைந்து கதாநாயகியாக நடிக்கவுள்ளார். மாநாடு திரைப்படத்தின் படப்பிடிப்பு பல காரணங்களால் தள்ளிப் போனது. கடந்த வருடம் படப்பிடிப்பு தொடங்கப்படுவதாக அறிவிக்கப்பட்டிருந்த நிலையில் திரைப்படம் கைவிடப்படுவதாக வெளியான தகவல்களை தயாரிப்பாளர் மறுத்திருந்தார்.
இந்தநிலையில், தற்போது ‘மாநாடு’ திரைப்படத்தின் படப்பிடிப்பு ஜூன் 26 ஆம் தேதி மலேசியாவில் துவங்க இருப்பதாக அதிகாரபூர்வ தகவல்கள் வெளியாகியுள்ளன.
சுரேஷ் காமாட்சியின் தயாரிப்பில் உருவாகும் இந்த படத்தை வெங்கட் பிரபு இயக்குகிறார். நடிகர் சிம்பு, இயக்குனர் வெங்கட்பிரபு மற்றும் தயாரிப்பாளர் சுரேஷ் காமாட்சி ஆகிய மூவரும் இணைந்து நிற்கும் புகைப்படத்தை வெளியிட்டு இந்த அதிகாரப்பூர்வ தகவல் வெளியிடப்பட்டுள்ளது. ஆரம்பகட்டமாக, பாடல் காட்சிகளும் சில சண்டை காட்சிகள் படமாக்கப்படவுள்ளன.�,