]விஜய் இயக்கத்தில் பிரபுதேவா, தமன்னா நடித்துள்ள ‘தேவி 2’ படத்தின் ரிலீஸ் தேதியைப் படக்குழு அறிவித்துள்ளது.
பிரபுதேவா, தமன்னா உள்ளிட்டோர் நடித்து 2016ஆம் ஆண்டில் வெளியான ‘தேவி’ திரைப்படம் நல்ல வரவேற்பை பெற்றது. திகில் காமெடி கதைக்களம் கொண்ட இந்தப் படத்தின் இரண்டாம் பாகத்தைப் படக்குழு உருவாக்கி வருகிறது. இந்தப் படத்தில் பிரபுதேவா, தமன்னா, நந்திதா ஸ்வேதா, யோகி பாபு, கோவை சரளா, ஆர்.ஜே.பாலாஜி, சதீஷ், குரு சோமசுந்தரம் உள்ளிட்டோர் முக்கிய கதாபாத்திரங்களில் நடிக்கின்றனர். இந்தப் படத்தின் ரிலீஸ் தேதியைப் படக்குழு அறிவித்துள்ளது. இந்தப் படம் ஏப்ரல் 12ஆம் தேதியன்று (தமிழ்ப் புத்தாண்டு) வெளியாகவுள்ளது. படத்தை ஏ.எல்.விஜய் இயக்குகிறார். ஜிவி பிலிம்ஸ், ட்ரைடென்ட் ஆர்ட்ஸ் ஆகிய நிறுவனங்கள் தயாரிக்கின்றன.
இந்தப் படத்துக்கு சாம் சிஎஸ் இசையமைத்துள்ளார். ஒளிப்பதிவாளராக மனுஷ் நந்தனும், படத்தொகுப்பாளராக ஆண்டனியும் பணிபுரிகின்றனர். மேலும், எம்.எஸ்.அர்ஜுன் இயக்கும் யங் மங் சங் படத்தின் பணிகளிலும் பிரபுதேவா தற்போது பிஸியாக உள்ளார். இந்தப் படத்தின் க்ளைமாக்ஸ் காட்சி மற்றும் சண்டைக்காட்சிகள் அண்மையில் சீனாவில் படமாக்கப்பட்டன. அதற்கு முன்பு கும்பகோணம், பொள்ளாச்சி, ஆந்திரம், கர்நாடகம் என பல இடங்களில் முக்கிய காட்சிகள் படமாக்கப்பட்டன. இந்தப் படத்தில் பிரபுதேவாவுக்கு ஜோடியாக லக்ஷ்மி மேனன் நடித்துள்ளார். ஆர்.ஜே.பாலாஜி. அஷ்வின் ஆகியோர் முக்கிய கதாபாத்திரங்களில் நடித்துள்ளனர்.�,