சுப்ரமணியம்சிவா இயக்கத்தில் சமுத்திரக்கனி நாயகனாக நடிக்கும் வெள்ளை யானை படத்தில் சந்தோஷ் நாராயணன் இசையமைக்கவுள்ளார்.
2003ஆம் ஆண்டு தனுஷ் நடிப்பில் வெளியான திருடா திருடி படத்தின் மூலம் இயக்குநராக அறிமுகமானவர் சுப்ரமணியம்சிவா. அதன்பின் பொறி, யோகி, சீடன் என்ற படங்களை இயக்கியவர், வடசென்னை படத்தில் சிறிய கதாபாத்திரமொன்றிலும் நடித்துள்ளார். நீண்ட இடைவெளிக்குப் பின் இவர் இயக்கியிருக்கும் படம் வெள்ளை யானை.
2017ஆம் ஆண்டு சமுத்திரக்கனியை நாயகனாக வைத்து இவர் தொடங்கிய வெள்ளை யானை, கால தாமதத்தால் இன்னும் முழுமையடையாமல் இருக்கின்றது. தற்போது மீண்டும் சூடு பிடித்துள்ள இப்படத்தின் இறுதிக்கட்ட பணிகளால் மீண்டும் செய்திகளில் கவனம் பெறத் தொடங்கியிருக்கிறது வெள்ளை யானை.
இந்நிலையில், வெள்ளை யானை படத்தில் சந்தோஷ் நாராயணன் இசையமைப்பாளராக இணையவுள்ளார் என அறிவித்துள்ளது படக்குழு. சமீபத்தில் இவரது இசையில் வெளியான பரியேறும் பெருமாள், வட சென்னை ஆகிய இரண்டு படங்களிலுமே இவரது இசைப் பங்களிப்பு சிறப்பாக அமைந்திருந்து. அதனால் விவசாயிகளை மையமாகக் கொண்ட வெள்ளை யானை படத்தில் சந்தோஷ் நாராயணன் இசையும் இணையும் போது படத்தின் மீதான எதிர்பார்ப்பு இன்னும் அதிகரிக்கவே செய்கிறது.
‘மனம் கொத்திப் பறவை’ ஆத்மிகா கதாநாயகியாக நடிக்கும் இப்படத்தில் யோகிபாபு முக்கியமான கதாபாத்திரத்தில் நடிக்கின்றார். வைட் லாம்ப் டாக்கீஸ் சார்பில் எஸ். வினோத் குமார் தயாரிக்கிறார்.
**
மேலும் படிக்க
**
**[டிஜிட்டல் திண்ணை: சசிகலா நடத்திய மெகா குடும்ப பஞ்சாயத்து!](https://minnambalam.com/k/2019/07/19/85)**
**[BIG BOSS 3: ஸ்மோக்கிங் ரூம் பஞ்சாயத்து!](https://minnambalam.com/k/2019/07/19/38)**
**[ அடிக்கப் பாய்ந்த சத்யா – அடக்கிய சேகர்பாபு: சட்டமன்ற காட்சிகள்!](https://minnambalam.com/k/2019/07/18/25)**
**[அத்தி வரதர்: வரலாறு எழுப்பும் விடையற்ற வினாக்கள்!](https://minnambalam.com/k/2019/07/13/17)**
**[அத்தி வரதர்: வரலாறு எழுப்பும் விடையற்ற வினாக்கள்! – 2](https://minnambalam.com/k/2019/07/13/54)**
�,”