நடிகர் மஹத் ஏற்கனவே காதலித்துவந்த மாடல் பிரச்சி மிஸ்ராவை விட்டு தற்போது நடிகை யாஷிகாவைக் காதலிப்பதாகக் கூறியுள்ளார். இது தொடர்பாக பிரச்சி விளக்கம் அளித்துள்ளார்.
அஜித் நடித்த மங்காத்தா திரைப்படம் மூலமாகத் திரையுலகில் அறிமுகமான மஹத், தற்போது பிக் பாஸ் நிகழ்ச்சியில் பங்கேற்றுவருகிறார். இவர் மிஸ் இந்தியா எர்த் 2002, பிரச்சி மிஸ்ராவை காதலித்துவருகிறார்.
சில வாரங்களுக்கு முன்பு, மஹத்தைத் தான் காதலிப்பதாக நடிகை யாஷிகா பிக் பாஸ் நிகழ்ச்சியில் தெரிவித்தார். தற்போது யாஷிகாவை தானும் காதலிப்பதாக மஹத் கூறியுள்ளார். இந்நிலையில் இதுபற்றி மஹத்தின் காதலி பிரச்சி மிஸ்ரா இன்ஸ்டகிராமில், “என்னை விரும்பிய மஹத்தை பிக் பாஸ் நிகழ்ச்சிக்கு அனுப்பினேன். அந்த சமயத்தில் எங்களிருவரின் வாழ்க்கை குறித்து முடிவெடுத்தோம். தற்போது எனக்குப் பரிதாபமான மோசமான மெசேஜ்களை அனுப்புவார்களுக்கு, அவர் என்னைக் காதலித்தார். நான் இன்னமும் காதலிக்கிறேன். அதேசமயம் நான் தற்போது அவருடன் இல்லை. ஆனாலும் அவரை தனியாக சந்தித்து எல்லாவற்றையும் குறித்து பேசுவேன்.
அவர் யாஷிகாவை காதலிக்கிறார். தற்போது அது வெளியே வந்துவிட்டது. நான் மனதால் காயப்பட்டுள்ளேன். ஆனால் என் வாழ்க்கை இதனால் மாறாது. நானே என்னை பார்த்துக்கொள்ளப் போகிறேன். பிக் பாஸ் நிகழ்ச்சியில் அவருக்கு ஆதரவாக இருக்கும் ஜனனிக்குக் கூட உறுதுணையாக அவர் இருப்பதில்லை.
அவரை பற்றி என்னிடம் எதுவும் கேட்க வேண்டாம் என்று உங்களிடம் தாழ்மையுடன் கேட்டுக்கொள்கிறேன். என்மீது அக்கறை கொண்ட அனைவருக்கும் நன்றி. இது என் சொந்த வாழ்க்கை. நான் பார்த்துக் கொள்கிறேன். நான் தற்போது மஹத்திடம் இல்லை. எனவே நான் பணியாற்ற என் சமூகவலைதளத்தை விட்டு வெள்யேறுகிறேன்” என்று பதிவிட்டுள்ளார் பிரச்சி மிஸ்ரா.
�,”