h
கடந்த மார்ச் மாதம் தமிழ் திரைப்பட உலகில் ஸ்ட்ரைக் ஏற்பட்டு பல்வேறு மாற்றங்கள் கொண்டு வந்தனர் தயாரிப்பாளர் சங்கத்தினர். அதில் வாரம், வாரம் வெளியாகும் திரைப்படங்களை முறைமைப் படுத்தி வெளியிட வேண்டும் என்ற நோக்கில், ‘திரைப்பட வெளியீட்டு ஒழுங்கு படுத்தும் குழு’ ஒன்றை அமைத்தனர்.
அதன் அடிப்படையில் தனிக்கை சான்றிதழ் பெற்ற படங்கள் வெளியீட்டு தேதி ஒதுக்க கோரி தயாரிப்பாளர் சங்கத்தில் விண்ணபிக்க வேண்டும். அதன் பிறகு அதனை பரிசீலித்து சங்கம் தேதி ஒதுக்கும். அந்த தேதியில் தான் படத்தை வெளியிட வேண்டும். இது தான் தயாரிப்பாளர் சங்கத்தின் புதிய விதிமுறை. இந்த மாதம் முதல் தயாரிப்பாளர் சங்கம் வெளியீட்டில் சில மாறுதல்களை கொண்டு வந்துள்ளது.
அதன்படி மாதத்தின் முதல் வாரமும், மூன்றாவது வாரமும் பெரிய படங்களுக்கும், இரண்டாவது வாரமும், கடைசி வாரமும் சிறிய படங்களுக்கும் முக்கியத்துவம் தரப்படும். அந்த வகையில் இந்த மாதம் (அக்டோபர்) 18 திரைப்படங்களுக்குத் தேதி நிர்ணயித்து தயாரிப்பாளர் சங்கம் ஒப்புதல் அளித்துள்ளது.
அக்டோபர் 4: 96
அக்டோபர் 5: ராட்சசன், ஆண் தேவதை, நோட்டா
அக்டோபர் 12: கூத்தன், மரகதகாடு, முகம், நட்புன்னா என்னானு தெரியுமா, காட்டுப் புறா
அக்டோபர் 18: வட சென்னை, சண்டக்கோழி 2, திருப்பதி சாமி குடும்பம், எழுமின், அண்டாவ காணோம்
அக்டோபர் 26: உத்தரவு மஹாராஜா, வாண்டு, மாணிக், ஜருகண்டி
தயாரிப்பாளர் கில்டு உறுப்பினர்களுக்கு இந்த விதிமுறை பொருந்தாது. அவர்களின் படங்களும் இதனுடன் வெளிவரும்.�,
