a‘கடைசி விவசாயி’யில் கடைசிக் காட்சி!

Published On:

| By Balaji

�மணிகண்டன் இயக்கும் புதிய படத்தின் விஜய் சேதுபதி நடிக்கும் பகுதிக்கான படப்பிடிப்புகள் நிறைவடைந்துள்ளன.

‘காக்கா முட்டை’ படத்தை இயக்கியதன் வாயிலாக இந்தியா முழுக்க கவனம் ஈர்த்தவர் இயக்குநர் மணிகண்டன். அதன்பின்னர் குற்றமே தண்டனை, ஆண்டவன் கட்டளை போன்ற படங்களை இயக்கிய அவர் தற்போது கடைசி விவசாயி எனும் படத்தை இயக்கிவருகிறார்.

முன்னதாக அவர் இயக்கியிருந்த ஆண்டவன் கட்டளை படத்தில் கதாநாயகனாக நடித்திருந்த விஜய் சேதுபதி, இந்த கடைசி விவசாயி படத்தில் முக்கியக் கதாபாத்திரத்தில் தோன்றவுள்ளார். கதாநாயகனாகவே பல படங்களில் பிஸியாக நடித்துவரும் நிலையில் இந்தப்படத்திலும் தொடர்ந்து நடித்துவந்தார் விஜய் சேதுபதி. இந்நிலையில் இப்படத்தில் அவர் நடிக்கும் கதாபாத்திரத்திற்கான படப்பிடிப்புகள் தற்போது நிறைவடைந்துள்ளன.

நிலமற்ற மலைவாழ் மக்களின் நிலையைச் சித்தரிப்பதாக அமைந்த மேற்குத் தொடர்ச்சி மலை படத்தைத் தயாரித்திருந்த விஜய் சேதுபதி, விவசாயிகளின் வலிகளையும் துயரங்களையும் உணர்த்தும் படமாக உருவாவதாகக் கூறப்படும் இந்தப் படத்திலும் நடித்திருப்பதன் வாயிலாக ரசிகர்களிடம் பாராட்டைப் பெற்றுவருகிறார்.�,

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!
Join Our Channel
Share