அமெரிக்க முன்னாள் அதிபர் பாரக் ஒபாமா சுகாதார காப்பீட்டுத் திட்டம் கொண்டு வந்தார். மிக மலிவான செலவில் மருத்துவ வசதி கிடைக்கும்வகையிலான இத்திட்டத்துக்கு ஒபாமா கேர் என பெயரிடப்பட்டது. அதற்கு பொதுமக்கள் மத்தியில் பலத்த வரவேற்பு உள்ளது.
அதை ரத்து செய்யும்வகையில் புதிய அதிபராகப் பதவியேற்ற டொனால்டு டிரம்ப், புதிய சுகாதார காப்பீட்டுத் திட்டம் ஒன்றைக் கொண்டு வந்தார். அதற்கு ஒப்புதல் பெற பாராளுமன்றத்தில் மசாதா தாக்கல் செய்யப்பட்டது. அதன்மீதான விவாதம் நடத்தப்பட்டு பின்னர் ஓட்டெடுப்பு நடத்தப்பட்டது. அதில் டிரம்ப் கொண்டுவந்த மசோதா கடைசி நிமிடத்தில் தோல்வியடைந்தது.
அந்த மசோதா நிறைவேற குறைந்தது ஆளும் குடியரசுக் கட்சி எம்.பி.க்களின் 215 ஓட்டுகள் கிடைக்க வேண்டும். ஆனால் 28 முதல் 35 ஓட்டுகள் குறைவாகக் கிடைத்தன. அமெரிக்காவில் தற்போதைய பாராளுமன்றத்தில் பிரதிநிதிகள் மற்றும் செனட் ஆகிய இரு அவைகளிலும் ஆளும் குடியரசுக் கட்சி எம்.பி.,க்களே மெஜாரிட்டியாக உள்ளனர். இருந்தும் அதிபர் டிரம்ப் கொண்டு வந்த புதிய சுகாதார காப்பீட்டுத் திட்டத்துக்கான மசோதா தோல்வியடைந்தது. அதற்கு ஆளும் கட்சி எம்.பி.,க்கள் சிலர் எதிர்த்து ஓட்டுப் போட்டதே காரணமாகும். பாராளுமன்ற வாக்கெடுப்பில் தோல்வி ஏற்பட்டதால் அதிபர் டிரம்ப் தான் கொண்டுவந்த மசோதாவை வாபஸ் பெற்றார். இது, அவருக்கு ஒரு பின்னடைவாக கருதப்படுகிறது. ஏனெனில், தேர்தல் பிரச்சாரத்தின்போது ஒபாமா கேர் திட்டத்தை வாபஸ் பெறுவேன் என டிரம்ப் பிரச்சாரம் செய்தார். தற்போது அது முடியாமல் போய்விட்டது. ஒபாமா கேர் திட்டத்தில் பொதுமக்கள் பயன்பெறும்வகையில் பல நல்ல அம்சங்கள் உள்ளதால் ஆளும் கட்சி எம்.பி.,க்கள் எதிர்த்து வாக்களித்ததாகக் கூறப்படுகிறது.�,
