மின்னம்பலம் மின்னம்பலம்

வெள்ளி 27 ஆக 2021

கிச்சன் கீர்த்தனா: மட்டன் கோலா உருண்டை

கிச்சன் கீர்த்தனா: மட்டன் கோலா உருண்டை

செட்டிநாடு பக்கம் மாப்பிள்ளை விருந்தில் எத்தனை வகைகள் இருந்தாலும், தவறாமல் இடம்பெறும் உணவு மட்டன் கோலா உருண்டை. மட்டனில் புரதச்சத்து அதிகம்.

என்ன தேவை?

மட்டன் கொத்துக்கறி - 200 கிராம்

வெங்காயம் - 150 கிராம்

பொட்டுக்கடலை - 150 கிராம்

தேங்காய் - கால் மூடி (துருவவும்)

பச்சை மிளகாய் - 2 அல்லது 3

இஞ்சி - ஒரு துண்டு

பூண்டு - 6 பல்

சோம்பு - ஒரு டீஸ்பூன்

பட்டை - 2

கிராம்பு - 2

பிரியாணி இலை - ஒன்று

கறிவேப்பிலை, கொத்தமல்லித்தழை - சிறிதளவு

எண்ணெய், உப்பு - தேவையான அளவு

எப்படிச் செய்வது?

ஒரு கடாயில் தேவையான அளவு எண்ணெய்விட்டு, சூடானதும் அதில் சோம்பு, பட்டை, கிராம்பு, பிரியாணி இலை சேர்த்து பொரிந்தவுடன், நறுக்கிய வெங்காயம் சேர்க்கவும். வெங்காயம் நன்கு வதங்கியவுடன் அதில் நறுக்கிய பச்சை மிளகாய், இஞ்சி, பூண்டு சேர்க்கவும். பச்சை வாடை நீங்கும் வரை நன்கு வதக்கவும். பிறகு பொட்டுக்கடலை சேர்க்கவும். அது பொன்னிறமானவுடன் துருவிய தேங்காய் சேர்க்கவும். கொத்துக்கறியை நன்றாகக் கழுவி, தண்ணீரில்லாமல் பிழிந்து எடுக்கவும். அதைக் கடாயில் சேர்த்து முக்கால் வாசி கறி வேகும் வரை வதக்கவும். தேவையான அளவு உப்பு சேர்த்துக்கொள்ளவும். பிறகு கொஞ்சம் கறிவேப்பிலை, கொத்தமல்லித்தழை சேர்த்து இறக்கவும். கலவை ஆறியவுடன், மிக்ஸியில் சேர்த்து உருண்டை உருட்டும் பதத்துக்கு அரைத்துக்கொள்ளவும். அரைத்த கலவையை சிறு சிறு உருண்டைகளாக உருட்டி வைத்துக்கொள்ளவும். ஒரு கடாயில் எண்ணெய் ஊற்றி உருட்டி வைத்த உருண்டைகளைப் பொரித் தெடுக்கவும்.

நேற்றைய ரெசிப்பி: கணவன் மனைவி சாதம்

தமிழகத்தின் ஓலா தொழிற்சாலையில் 10,000 பெண் ஊழியர்கள்!

5 நிமிட வாசிப்பு

தமிழகத்தின் ஓலா தொழிற்சாலையில் 10,000 பெண் ஊழியர்கள்!

வாக்காளர் பட்டியலில் பெயர் சேர்க்க, திருத்த நான்கு நாட்கள் ...

3 நிமிட வாசிப்பு

வாக்காளர் பட்டியலில் பெயர் சேர்க்க, திருத்த நான்கு நாட்கள் சிறப்பு முகாம்!

பெட்ரோல், டீசலுக்கு ஜிஎஸ்டி: நாளைய கவுன்சில் கூட்டத்தில் முடிவு! ...

5 நிமிட வாசிப்பு

பெட்ரோல், டீசலுக்கு ஜிஎஸ்டி: நாளைய கவுன்சில் கூட்டத்தில் முடிவு!

வெள்ளி 27 ஆக 2021