மின்னம்பலம் மின்னம்பலம்

சனி 17 ஏப் 2021

சென்னை ஆட்சியருக்கு உயர் நீதிமன்றம் கண்டனம்!

சென்னை ஆட்சியருக்கு உயர் நீதிமன்றம் கண்டனம்!

சென்னை உயர் நீதிமன்றம் தாக்கல் செய்ய உத்தரவிட்ட அறிக்கையில் சென்னை மாவட்ட ஆட்சியர் கையெழுத்து இல்லாததால், அவர் மீது ஏன் நடவடிக்கை எடுக்கக் கூடாது? என நீதிபதி கேள்வி எழுப்பியுள்ளார்.

தமிழ்நாடு வீட்டுவசதி வாரியத்தின் இடங்கள் ஆக்கிரமிப்பு தொடர்பான வழக்கை விசாரித்த சென்னை உயர் நீதிமன்ற நீதிபதி ஆர்.சுரேஷ்குமார், ஆக்கிரமிப்புகள் தொடர்பாக அறிக்கை தாக்கல் செய்யுமாறு சென்னை மாவட்ட ஆட்சியருக்கு உத்தரவிட்டிருந்தார்.

இந்த வழக்கு நேற்று மீண்டும்(ஏப்ரல் 16) நீதிபதி ஆர்.சுரேஷ்குமார் முன்பு விசாரணைக்கு வந்தது. அப்போது, சென்னை மாவட்ட ஆட்சியர் ஆர்.சீத்தாலட்சுமி சார்பில் அறிக்கை தாக்கல் செய்யப்பட்டது. அந்த அறிக்கையில் ஆட்சியர் கையெழுத்து இல்லாமல், அவரின் தனி உதவியாளர் கையெழுத்து இருந்ததை நீதிபதி கவனித்தார்

மாவட்ட ஆட்சியர் அறிக்கை தாக்கல் செய்ய வேண்டும் என தெளிவாக உயர் நீதிமன்றம் உத்தரவிட்டிருந்தும், தாக்கல் செய்யப்பட்ட அறிக்கையின் ஒவ்வொரு பக்கத்திலும் ‘ஆட்சியருக்காக’ என்ற குறிப்புடன் வேறு ஒரு நபர் கையெழுத்திட்டுள்ளார்.

இதற்கு கண்டனம் தெரிவித்த நீதிபதி, ஏன் மாவட்ட ஆட்சியர் மீது நடவடிக்கை எடுக்கக் கூடாது என்று கேள்வி எழுப்பினார். மேலும், இதுகுறித்து தமிழக அரசு பதிலளிக்க உத்தரவிட்டு, வழக்கு விசாரணையை ஏப்ரல் 22ஆம் தேதிக்கு ஒத்திவைத்து உத்தரவிட்டார்.

வினிதா

நாட்டு மருந்துக் கடைகளில் மக்கள் கூட்டம்!

3 நிமிட வாசிப்பு

நாட்டு மருந்துக் கடைகளில் மக்கள் கூட்டம்!

ஆஸ்திரேலிய சட்டமன்றத்தில் ஒலித்த தமிழ்!

4 நிமிட வாசிப்பு

ஆஸ்திரேலிய சட்டமன்றத்தில் ஒலித்த தமிழ்!

கிச்சன் கீர்த்தனா: சண்டே ஸ்பெஷல் - கொரோனாவை விரட்டும் இஞ்சி!

3 நிமிட வாசிப்பு

கிச்சன் கீர்த்தனா: சண்டே ஸ்பெஷல் - கொரோனாவை விரட்டும் இஞ்சி!

சனி 17 ஏப் 2021