மின்னம்பலம் மின்னம்பலம்

சனி 10 ஏப் 2021

சென்னை: கழிவுநீர் பிரச்சினைக்குப் புகார் எண்!

சென்னை: கழிவுநீர் பிரச்சினைக்குப் புகார் எண்!

சென்னை மாநகராட்சிக்கு உட்பட்ட அனைத்து பகுதிகளிலும் உள்ள கழிவுநீர் பிரச்சினைக்கு 24 மணி நேரமும் புகார் செய்யலாம் என்று சென்னை குடிநீர் வாரியம் அறிவித்துள்ளது.

சென்னை மாநகராட்சிக்கு உட்பட்ட அனைத்து பகுதிகளிலும் கழிவுநீர் அடைப்புகளை சரிசெய்தல், சுத்தம் செய்தல் மற்றும் அதனை சார்ந்த அனைத்து பணிகளும் குடிநீர் வழங்கல் வாரியத்தின் மூலம் மேற்கொள்ளப்பட்டு வருகிறது.

சென்னை மாநகரத்தில் வசிக்கும் பொதுமக்களின் வீடு மற்றும் பொது இடங்களில் கழிவுநீர் அடைப்பு குறித்த புகார்களை குடிநீர் வழங்கல் வாரிய தலைமை அலுவலகத்தில் 24 மணி நேரமும் இயங்கி வரும் அழைப்பு மையத்தை 45674567 என்ற எண்ணில் தொடர்பு கொண்டு தெரிவிக்கலாம் என்று அறிவித்துள்ளது.

மேலும், பாதாள சாக்கடை பாதுகாப்பற்ற முறையிலும், உரிய கவசங்கள் அணியாமல் சுத்தம் செய்தல் மற்றும் மனித நுழைவு வாயிலில் சட்டத்துக்குப் புறம்பாக நுழைவது குறித்த புகார்களை 14420 என்ற உதவி எண்ணுக்குத் தெரிவிக்கலாம். எந்த ஒரு சூழ்நிலையிலும் பணியாளர்கள் கழிவுநீர் குழிக்குள் இறங்காமலும் ஊழியர்கள் முகக்கவசம், கையுறை, பாதுகாப்பு உடை மற்றும் காலணிகள் கட்டாயம் அணிய வேண்டும் என்ற விதிகளை பின்பற்றி, நவீன எந்திரங்களை முழுமையாக பயன்படுத்தி பணிகள் மேற்கொள்ளப்பட வேண்டும்.

கழிவுநீர் அடைப்பு ஏற்படும்பட்சத்தில் வீட்டின் உரிமையாளர், வீட்டில் வாடகைக்கு குடியிருப்போர், தனியார் நிறுவனங்கள், உணவகங்கள், தங்கும் விடுதிகள், வணிக வளாகங்களின் உரிமையாளர், தியேட்டர் உரிமையாளர் மற்றும் ஒப்பந்ததாரர்கள் சுத்தம் செய்யும் பணியாளர்களை தன்னிச்சையாக நேரடியாக ஈடுபடுத்தி கழிவுநீர் குழாயில் வி‌ஷவாயு தாக்கி இறக்க நேரிட்டால் பணியாளரின் குடும்பத்துக்கு ரூ.10 லட்சம் இழப்பீடு வழங்க பொறுப்பாவார்கள் என்றும் கூறியுள்ளது.

மேலும், இது குறித்து காவல் நிலையத்தில் வழக்கு பதிவு செய்யப்படும். இறந்த பணியாளர் ஆதிதிராவிடர், பழங்குடியினர் பிரிவைச் சேர்ந்தவர்களாக இருந்தால் சிறைத்தண்டனை விதிக்கப்படும். எனவே கழிவுநீர் அடைப்பு மற்றும் பராமரிப்புப் பணியில் ஈடுபடும்போது எச்சரிக்கையாக கவனத்துடன் செயல்படுமாறும் சென்னை குடிநீர் வாரியம் தெரிவித்துள்ளது.

-ராஜ்

வேலைவாய்ப்பு : டிஎன்பிஎஸ்சி அறிவிப்பு!

1 நிமிட வாசிப்பு

வேலைவாய்ப்பு : டிஎன்பிஎஸ்சி அறிவிப்பு!

திருப்பதி: நவம்பர் மாதத்துக்கான ஆன்லைன் புக்கிங் இன்று ஆரம்பம்! ...

2 நிமிட வாசிப்பு

திருப்பதி: நவம்பர் மாதத்துக்கான ஆன்லைன் புக்கிங் இன்று ஆரம்பம்!

இலங்கை கடன் வாங்கும் நிலைக்குத் தள்ளப்பட்டது ஏன்?

5 நிமிட வாசிப்பு

இலங்கை  கடன் வாங்கும் நிலைக்குத் தள்ளப்பட்டது ஏன்?

சனி 10 ஏப் 2021