மின்னம்பலம் மின்னம்பலம்

வியாழன் 4 மா 2021

கொரோனாவால் பாதிக்கப்பட்டவர்கள் வாக்களிக்கலாமா?

கொரோனாவால் பாதிக்கப்பட்டவர்கள் வாக்களிக்கலாமா?

கொரோனா வைரஸ் தொற்றால் பாதிக்கப்பட்டவர்கள் வாக்களிக்கலாமா என்பது குறித்து தமிழக தலைமைத் தேர்தல் அதிகாரி சத்யபிரதா சாஹூ விளக்கம் அளித்துள்ளார்.

தமிழகம், கேரளா உள்ளிட்ட 5 மாநிலங்களில் விரைவில் சட்டமன்ற தேர்தல் நடைபெற இருக்கிறது. இதனால் தேர்தல் கட்டுப்பாடுகள் அமலில் உள்ளது. ஆவணங்கள் இன்றி எடுத்துச் செல்லப்படும் பொருட்கள் மற்றும் பணம் ஆகியவை பறிமுதல் செய்யப்பட்டு வருகின்றன.

அதேசமயம் கடந்த சில நாட்களாக வைரஸ் தொற்று பாதிப்பு அதிகரிக்க ஆரம்பித்துள்ள நிலையில் இவற்றைக் கட்டுப்படுத்தும் விதமாகத் தேர்தலை நடத்துவது குறித்து தமிழக தலைமை தேர்தல் அதிகாரி சத்யபிரதா சாஹூ பல்வேறு ஆலோசனைகளை மேற்கொண்டு வருகிறார்.

இந்நிலையில், கொரோனா வைரஸ் தொற்றால் பாதிக்கப்பட்டவர்கள் தேர்தல் நாளன்று கடைசி ஒரு மணி நேரத்தில் வாக்களிக்கலாம் என்று சத்யபிரதா சாஹூ தெரிவித்துள்ளார். காலை 7 மணி முதல் மாலை 5 மணி வரை நடைபெறும் வாக்குப்பதிவில் வாக்காளர்களும், மாலை 5 மணி முதல் 6 மணி வரை வைரஸ் தொற்றால் பாதிக்கப்பட்டவர்கள் தேர்தல் ஆணையம் மூலமாக வழங்கப்படும் பிபிஇ கிட் அணிந்து வந்து வாக்களிக்கலாம் என்றும் கூறியுள்ளார்.

மேலும், மார்ச் 3ஆம் தேதி வரை தமிழகம் முழுவதும் 11 கோடி ரூபாய் மதிப்பிலான பணம் மற்றும் பரிசுப் பொருட்கள் பறிமுதல் செய்யப்பட்டுள்ளதாகவும் தெரிவித்துள்ளார்.

வாக்குப்பதிவு நாளன்று வாக்காளர்கள் முக கவசம் அணிந்து வருவது கட்டாயம் என்று தேர்தல் ஆணையம் தெரிவித்துள்ளது என்பது குறிப்பிடத்தக்கது.

-பிரியா

நெல்லை - தென்காசி நான்கு வழிச்சாலை: வேரோடு பிடுங்கி வேறு இடத்தில் ...

3 நிமிட வாசிப்பு

நெல்லை - தென்காசி நான்கு வழிச்சாலை: வேரோடு பிடுங்கி வேறு இடத்தில் நடப்படும் மரங்கள்!

தங்கப் பத்திரம் விற்பனை: இந்திய அளவில் நாமக்கல் கோட்டம் முதலிடம்! ...

3 நிமிட வாசிப்பு

தங்கப் பத்திரம் விற்பனை: இந்திய அளவில் நாமக்கல் கோட்டம் முதலிடம்!

மணிகண்டன் மரணம்: வெளியான சிசிடிவி காட்சிகள்!

4 நிமிட வாசிப்பு

மணிகண்டன் மரணம்: வெளியான சிசிடிவி காட்சிகள்!

வியாழன் 4 மா 2021