மின்னம்பலம் மின்னம்பலம்

செவ்வாய் 5 ஜன 2021

கிச்சன் கீர்த்தனா: புரொக்கோலி பாஸ்தா

கிச்சன் கீர்த்தனா: புரொக்கோலி பாஸ்தா

எலும்புகளின் உறுதிக்குக் கால்சியம் அவசியம் தேவை. கால்சியம் சத்து நிறைந்தது புரொக்கோலி. இதை அடிக்கடி உணவில் சேர்த்துக்கொண்டால், எலும்புகள் வலுப்படும். இதிலிருக்கும் வைட்டமின் கே எலும்பு உறுதிக்கு உதவும். வளரிளம் பருவத்தினருக்கு மிகவும் ஏற்ற புரொக்கோலியைக் குழந்தைகளுக்குப் பிடித்த பாஸ்தாவுடன் சேர்த்து இதைச் செய்யலாம். வீட்டிலுள்ள அனைவரும் விரும்பி சாப்பிடுவார்கள்.

என்ன தேவை?

பாஸ்தா - அரை கப்

மெல்லிய வட்டமாக நறுக்கிய பெரிய வெங்காயம் - 1

புரொக்கோலி - அரை கப் (நறுக்கிய பூக்கள்)

மிளகாய்த்தூள் - அரை டீஸ்பூன்

மஞ்சள்தூள் - கால் டீஸ்பூன்

சோயா சாஸ் - அரை டீஸ்பூன்

எண்ணெய் - அரை டேபிள்ஸ்பூன்

உப்பு - தேவையான அளவு

கொத்தமல்லித்தழை - அலங்கரிக்க‌

எப்படிச் செய்வது?

பாத்திரத்தில் பாஸ்தாவைச் சேர்த்து அது மூழ்கும் அளவுக்கு தண்ணீர் விடவும். இதனை அடுப்பில் ஏற்றி வெந்ததும் தண்ணீர் இறுத்து வைத்துக் கொள்ளவும். அல்லது பாஸ்தா பாக்கெட்டில் உள்ள செய்முறையின்படி வேக வைத்து நீர் இறுத்து வைத்துக் கொள்ளவும். அடுப்பில் கடாயை வைத்து சூடானதும் எண்ணெய் ஊற்றி மஞ்சள்தூள், மிளகாய்த்தூள் சேர்த்து தீயைக் குறைத்துக் கலக்கவும். வெங்காயத்தைச் சேர்த்து தீயை அதிகப்படுத்தி இரண்டு நிமிடம் வதக்கவும். பிறகு புரொக்கோலியைச் சேர்த்து இரண்டு நிமிடம் வதக்கவும். இதில் சோயா சாஸை சேர்த்து ஒரு நிமிடம் வதக்கி, வெந்த பாஸ்தா, தேவையான அளவு உப்பு சேர்த்து, மேலும் இரண்டு நிமிடம் வதக்கவும். கலவையோடு பாஸ்தா நன்கு ஒட்டி வரும் போது அடுப்பை அணைத்து கொத்தமல்லித்தழை தூவிப் பரிமாறவும்.

முதன்முறையாக திருச்செந்தூர் கோயிலுக்குள் புகுந்த மழைநீர்! ...

2 நிமிட வாசிப்பு

முதன்முறையாக திருச்செந்தூர் கோயிலுக்குள் புகுந்த மழைநீர்!

ஓடும் ரயிலில் சாகசம்: எஸ்.பி அட்வைஸ்!

3 நிமிட வாசிப்பு

ஓடும் ரயிலில் சாகசம்: எஸ்.பி அட்வைஸ்!

புதிய ஆட்சியரின் வாக்குறுதி!

3 நிமிட வாசிப்பு

புதிய ஆட்சியரின் வாக்குறுதி!

செவ்வாய் 5 ஜன 2021