மின்னம்பலம் மின்னம்பலம்

வெள்ளி 3 மே 2019

ஆந்திராவில் ஐந்து வாக்குச் சாவடிகளில் மறுதேர்தல்!

ஆந்திராவில் ஐந்து வாக்குச் சாவடிகளில் மறுதேர்தல்!

ஆந்திரப் பிரதேசத்திலுள்ள ஐந்து வாக்குச் சாவடிகளில் வரும் மே 6ஆம் தேதி மறுவாக்குப் பதிவு நடத்த தேர்தல் ஆணையம் முடிவெடுத்துள்ளது.

ஆந்திராவில் ஏப்ரல் 11ஆம் தேதி மக்களவைத் தேர்தல் மற்றும் சட்டமன்றத் தேர்தலுக்கான வாக்குப் பதிவு நடந்தபோது சில வன்முறை சம்பவங்கள் மற்றும் வாக்குப்பதிவு எந்திரத்தைத் தவறாகப் பயன்படுத்துதல் போன்ற சம்பவங்கள் நிகழ்ந்தது எனக் கூறி நெல்லூர், குண்டூர், பிரகாசம் உள்ளிட்ட மாவட்டங்களில் உள்ள ஐந்து வாக்குச் சாவடிகளில் மறுதேர்தல் நடத்த வேண்டும் என மூன்று மாவட்ட ஆட்சியர்கள் அம்மாநிலத் தலைமைத் தேர்தல் அதிகாரியிடம் கோரிக்கை விடுத்திருந்தனர்.

இந்தக் கோரிக்கையின் அடிப்படையில் ஆந்திரப் பிரதேச தலைமைத் தேர்தல் அதிகாரி கோபால் கிருஷ்ண திவேதி ஐந்து வாக்குச் சாவடிகளில் மறுவாக்குப் பதிவு நடத்த வேண்டும் என வைக்கப்பட்டுள்ள முன்மொழிதலை டெல்லி தலைமைத் தேர்தல் ஆணையத்துக்கு அனுப்பியிருந்தார். இதனடிப்படையில் அந்த ஐந்து வாக்குச் சாவடிகளிலும் மறு வாக்குப் பதிவு நடத்த தலைமைத் தேர்தல் ஆணையம் ஒப்புதல் அளித்துள்ளது. இதன்படி மே 6ஆம் தேதி, சட்டமன்றம், நாடாளுமன்றம் ஆகிய இரண்டுக்கும் ஒரே சமயத்தில் ஐந்து வாக்குச் சாவடிகளிலும் மறுவாக்குப் பதிவு நடத்தப்படும் எனத் தேர்தல் ஆணையம் நேற்று (மே 2) அறிவித்துள்ளது.

ஃபேஸ்புக் பெயர் மாறும் காரணம்?

5 நிமிட வாசிப்பு

ஃபேஸ்புக் பெயர் மாறும் காரணம்?

பேருந்தில் படிக்கட்டு வழியாக கீழே விழுந்த பெண் பலி!

3 நிமிட வாசிப்பு

பேருந்தில் படிக்கட்டு வழியாக கீழே விழுந்த பெண் பலி!

ஐஸ்கிரீமில் மதுபானம் கலந்து விற்பனை: கடைக்கு சீல்!

2 நிமிட வாசிப்பு

ஐஸ்கிரீமில் மதுபானம் கலந்து விற்பனை: கடைக்கு சீல்!

வெள்ளி 3 மே 2019