மின்னம்பலம் மின்னம்பலம்

வெள்ளி 9 பிப் 2018

கிச்சன் கீர்த்தனா: சத்து நிறைந்த கம்பு பருப்பு சாதம்!

கிச்சன் கீர்த்தனா: சத்து நிறைந்த கம்பு பருப்பு சாதம்!

இரண்டு நாள்களாக கோயிலில் அம்பாள் அலங்காரத்தில் சுடிதார் போட்டுவிட்டதையே பேசிக்கொண்டிருக்கிறார்களே தவிர, பயறு, கம்பரிசி எல்லாம் வாங்கிக் கொடு எனக் கிராமத்து தோழியிடம் கேட்பதென்னவோ காதுகளில் எட்டவில்லை. இந்த செய்முறையை பார்த்துவிட்டாலாவது வீடு வந்து சேர்கிறதா பார்ப்போம்.

தேவையான பொருள்கள்:

கம்பரிசி – ஒரு கப்

துவரம்பருப்பு – கால் கப்

பாசி பயறு – கால் கப்

தண்ணீர் – 3 கப்

மஞ்சள்தூள் – கால் டீஸ்பூன்

மிளகாய்தூள் – அரை டீஸ்பூன்

வெங்காயம் – 2

தக்காளி – 2

உப்பு – தேவைக்கேற்ப

கறிவேப்பிலை, கொத்தமல்லி தழை – சிறிது

தாளிக்க:

எண்ணெய் – 2 டீஸ்பூன்

கடுகு – அரை டீஸ்பூன்

பொடிக்க:

மிளகு – அரை டீஸ்பூன்

சீரகம் – அரை டீஸ்பூன்

காய்ந்த மிளகாய் – 2

பூண்டு – 4

செய்முறை:

* வெங்காயம், தக்காளி, கொத்தமல்லியைப் பொடியாக நறுக்கிக்கொள்ளவும்.

* கம்பரிசியும், பருப்பு வகைகளையும் கழுவி அரை மணி நேரம் ஊற வைக்கவும்.

* மிளகு, சீரகம், காய்ந்த மிளகாயை மிக்ஸியில் பொடித்துக் கடைசியில் பூண்டு சேர்த்து ஒரு சுற்றுவிட்டு எடுக்கவும்.

* குக்கரில் எண்ணெய் காய வைத்து கடுகு, கறிவேப்பிலை போட்டு தாளித்த பின் வெங்காயத்தைப் போட்டு வதக்கவும்.

* வெங்காயம் நன்றாக வதங்கியதும் தக்காளி, மஞ்சள்தூள், மிளகாய்தூள், அரைத்த பொடி சேர்த்து வதக்கவும்.

* அடுத்து அதில் தண்ணீரும் உப்பும் சேர்த்துக் கொதிக்க விடவும்.

* தண்ணீர் கொதிக்க ஆரம்பித்தவுடன் அரிசி, பருப்பு, கொத்தமல்லி தழையும் சேர்த்து 5 விசில் வரை வேகவிடவும்.

* சத்தான கம்பு பருப்பு சாதம் ரெடி.

கீர்த்தனா தத்துவம்:

மிடில் க்ளாஸ் வாழ்க்கை எவ்வளவு கஷ்டம். எதிர்வீட்டுக்காரன் பார்த்தால் பணக்காரனா நடிக்கணும். சொந்தக்காரன் கடன் கேட்டால் ஏழையா நடிக்கணும்.

உணவு இல்லை, உறக்கமில்லை: நித்யானந்தா

4 நிமிட வாசிப்பு

உணவு இல்லை, உறக்கமில்லை: நித்யானந்தா

மோசடி மன்னன் சுகேஷ் சிறையில் உண்ணாவிரதம்

3 நிமிட வாசிப்பு

மோசடி மன்னன் சுகேஷ் சிறையில் உண்ணாவிரதம்

உடன்பாடு இல்லையென்றால் வெளியேறலாம் : நெட்பிளிக்ஸ்!

3 நிமிட வாசிப்பு

உடன்பாடு இல்லையென்றால் வெளியேறலாம் : நெட்பிளிக்ஸ்!

வெள்ளி 9 பிப் 2018