மின்னம்பலம் மின்னம்பலம்

ஞாயிறு 4 பிப் 2018

வாட்ஸப் வடிவேலு

வாட்ஸப் வடிவேலு

திருமணமான பெண் தன் தாய்க்கு எழுதிய கடிதம். அனைவரும் கட்டாயம் படிங்க.

அன்புள்ள அம்மா,

எல்லாப் பெண்களைப் போலவே கல்யாண கனவில் களித்து மனதைக் கொள்ளையடித்தவரை உங்கள் சம்மதத்துடன் குதூகலமாக ஆடம்பரமாக திருமணம் புரிந்துகொண்டேன்.

பின்னர்தான் தெரிந்தது வாழ்க்கை, சினிமாவில் போடும் சுபத்துக்குப் பின்புதான் தொடங்குகிறதென்று.

வாழ்க்கையில் விரும்புவது, விரும்பப்படுவதென்பதையும் தாண்டி நிறைய இருக்கிறது என்று தெரியவருகிறது

எத்தனை பொறுப்புகள்?

எத்தனை சுமைகள்?

எத்தனை எதிர்பார்ப்புகள்?

எத்தனை தியாகங்கள்?

எத்தனை ஏமாற்றங்கள்?

நினைத்த நேரத்தில், நிம்மதியாக முழு தூக்கம் கலைந்த நேரத்தில் எழுந்திருக்க முடியவில்லை..

குடும்பத்தில் மற்றவர் விழிக்கும் முன் நான் விழித்து என் வேலைகளை ஆரம்பிக்க வேண்டியிருக்கு..

உன்னோடு இருந்த நாள்களில் எனக்கென்ற விருப்பமான உடைகளில் சிட்டாகப் பறந்துகொண்டிருந்தேன்..

இங்கே அவர்கள் விரும்பிய உடையில் வலம் வருவதையே விரும்புகின்றனர்.

இதோ என் தோழியை/தோழனைப் பார்த்து விட்டு வருகிறேன் என்று உன்னிடம் சொல்லிவிட்டு சென்றது போல் சொல்லிச் செல்ல இயலவில்லை.

என் தேவைகளைவிட அடுத்தவர் தேவைகளை முன்வைத்தே நான் நடந்துகொள்ள வேண்டியிருக்கு.

நினைத்த நேரத்தில் தூங்ககூட முடிவதில்லை.

எனக்கு விருப்பமான டிவி நிகழ்ச்சியைக்கூட பார்க்க முடிவதில்லை.

சில நேரங்களில் எதற்கு இந்தத் திருமணம் என்று அலுப்பாக இருக்கிறது.

இந்தத் திருமணம் என் சுதந்திரத்தை அல்லவா பறித்துவிட்டது.

என் சுயத்தை அல்லவா சூறையாடிவிட்டது.

உன்னிடம் இருந்தபோதே மிக மகிழ்வாக இருந்தேனே!

உன்னிடம் திரும்ப வந்துவிடலாமா என்றுகூடத் தோன்றுகிறது.

உன் மடியில் படுத்து கொள்ள வேண்டும் போல இருக்கிறது அம்மா.

வேண்டாம் வேண்டாம் என்று நான் சொல்ல சொல்ல, ‘ஒரே ஒரு இட்லி போட்டுக்கோ... உனக்கு பிடிக்குமேன்னு பால் கோவா செஞ்சேன்’னு நீ பின்னாலயே வந்து வந்து ஊட்டிவிடுவதைக் கேட்க வேண்டும் போலிருக்கிறது.

எந்த கவலையும் இல்லாமல் உன் அரவணைப்பில் உன் கொஞ்சலில் உன் பாதுகாப்பிலேயே இருந்திருக்க கூடாதா என்று தோன்றுகிறது.

ஆனால், அடுத்த கனமே நீயும் என் வயதில் என்னை மாதிரி தானே உணர்ந்திருப்பாய்.

நீ உன் திருமணத்தில் செய்த தியாகங்கள் தானே எனக்கு இந்த அழகிய நினைவுகளைக் கொடுத்திருக்கிறது.

நீ அன்று, நான் இன்று நினைப்பதுபோல் நினைத்திருந்தால் நான் இன்று இருப்பேனா?

நீ செய்த தியாகங்களையும் உழைப்பையும் பாசத்தையும் எதிர்பாரா அன்பையும் நான் திருப்பித் தர வேண்டாமா என்று நினைத்து கொள்கிறேன்.

அதுவும் உன்னிடம் இருந்து கற்றது தான்.

அப்படி நினைக்கும்போது வாழ்க்கையே எளிதாகத் தெரிகிறது; தெளிவாகப் புரிகிறது.

காலம் செல்ல செல்ல நீ உன் குடும்பத்தை நேசித்தது போல் நானும் என் குடும்பத்தை நேசிக்க ஆரம்பித்து விடுவேன்.

நீ செய்த தியாகங்களை நானும் செய்ய தயாராகி விடுவேன்.

உனக்கு நாங்கள் கொடுத்த மன உறுதியை, திடத்தை என் குடும்பமும் எனக்குத் தரும்.

ஆமாம் அம்மா நீ எனக்குக் கொடுத்ததை நானும் என் குடும்பத்துக்குக் கொடுக்க தயாராகி விட்டேன்..

நன்றி அம்மா!

என்றும் அன்புடன்...

உன் தேவதை

பெண் அன்பில் ஒரு தாய்

பெண் அழகில் ஒரு தேவதை

பெண் அறிவில் ஒரு மந்திரி

பெண் வெறுப்பில் ஒரு நெருப்பு

பெண் வெற்றிக்கு ஒரு மாலை

பெண் நட்பில் ஒரு நேர்மை

பெண் கண்டிப்பில் ஓர் ஆசிரியர்

மொத்தத்தில் பெண் தியாகத்தின் மறு உருவம்

Dedicated to all women's in this group... hats off...

ஒண்ணு, மனைவிகிட்ட அடி வாங்கின ஆள் இந்த மெசேஜை அனுப்பிருக்கணும். இல்ல, மகளிர் தினத்துக்கு வந்த மெசேஜா இருக்கணும்.

வேலைவாய்ப்பு: டிஎன்பிஎஸ்சி அறிவிப்பு!

1 நிமிட வாசிப்பு

வேலைவாய்ப்பு: டிஎன்பிஎஸ்சி அறிவிப்பு!

ஈரோடு: பறிமுதல் செய்யப்பட்ட வாகனங்கள் 28ஆம் தேதி ஏலம்!

2 நிமிட வாசிப்பு

ஈரோடு: பறிமுதல் செய்யப்பட்ட வாகனங்கள் 28ஆம் தேதி ஏலம்!

இலங்கை மக்கள் நிவாரணத்துக்காக டீக்கடையில் மொய் விருந்து!

2 நிமிட வாசிப்பு

இலங்கை மக்கள் நிவாரணத்துக்காக டீக்கடையில் மொய் விருந்து!

ஞாயிறு 4 பிப் 2018