28 நகரங்களில் சுற்றுச்சாலைகள்!

நாட்டின் முக்கியமான 28 நகரங்களில் ரூ. 36,290 கோடி செலவில் சுற்றுச்சாலைகள் அமைக்க திட்டமிடப்பட்டுள்ளதாக மத்திய சாலைப் போக்குவரத்துத் துறை அமைச்சர் நிதின் கட்கரி கூறியுள்ளார்.

இதுகுறித்து பிடிஐ நிறுவனத்துக்கு அவர் அளித்த பேட்டியில், "பாரத்மாலா திட்டத்தில் நாட்டில் உள்ள முக்கியமான 28 நகரங்களில் சுற்றுச்சாலைகள் அமைக்கத் திட்டமிடப்பட்டுள்ளது. இந்தத் திட்டத்திற்கு ரூ.36,290 கோடி நிதி ஒதுக்கத் திட்டமிடப்பட்டுள்ளது. ஏற்கனவே ரூ.21,000 கோடி செயல்முறைப்படுத்தப்பட்டுள்ளது" என்றார். டெல்லி, மும்பை, லக்னோ, ராஞ்சி, பாட்னா, ஸ்ரீநகர் மற்றும் உதய்பூர் உள்ளிட்ட 28 நகரங்களில் செயல்படுத்தப்படுகிறது. இந்த 28 சுற்றுச் சாலைகள் மட்டுமின்றி 40 பைபாஸ் சாலைகளும் அமைக்கத் திட்டமிடப்பட்டுள்ளது.