மின்னம்பலம் மின்னம்பலம்

திங்கள் 8 ஜன 2018

வாட்ஸப் வடிவேலு

வாட்ஸப் வடிவேலு

ஆறில் ஆரோக்கியம்!

ஆறறிவு மனிதன் என்கிறோம். ஆனால், இவனுக்குத்தான் ஓராயிரம் நோய்கள்.

ஆறு வழிகளை நீங்கள் கடைப்பிடித்தால் உங்களுக்கு உள்ள பிரச்னை தீர்வதுடன் வாழ்நாள் முழுவதும் எந்த நோய்களும் வராது.

இதோ...

1. பசி

2. தாகம்

3. உடல் உழைப்பு

4. தூக்கம்

5. ஓய்வு

6. மன அமைதி

பசி

உங்கள் உடலுக்கு உணவு தேவையா, இல்லையா என்பது சுவரில் தொங்கும் கடிகாரத்துக்குத் தெரியுமா? தெரியாதல்லவா... பின் ஏன் நேரம் பார்த்துச் சாப்பீடுகிறீர்கள்?

யாரெல்லாம் நேரம் பார்த்து வேளாவேளைக்குச் சரியாக சாப்பிடுகிறாரோ அவர் மிகப்பெரிய நோயாளி ஆகப்போகிறார் என்று அர்த்தம்.

இதைத்தான் வள்ளுவப்பெருமான் சொல்கிறார்

‘மருத்தென வேண்டாவாம் யாக்கைக்கு அருந்தியது

அற்றது போற்றி உணின்.’

விளக்கம்: நாம் ஏற்கெனவே உண்ட உணவு செரித்த பின் மீண்டும் பசித்து சாப்பிட்டால் இந்த உடலுக்கு எந்த மருந்தும் தேவையில்லை என சொல்லியிருக்கிறார்.

‘தீயள வன்றத் தெரியான் பெரிதுண்ணின்

நோயள வின்றிப் படும்.’

விளக்கம்: பசியின் அளவு தெரியாமல் அதிகமாகச் சாப்பிட்டால் நோய் அளவில்லாமல் வரும் என்கிறார்.

பசியின் அளவு தெரியாமல் அதிகமாக உண்டால் நோய் அளவில்லாம் வரும்போது, பசியே இல்லாமல் சாப்பிட்டால் என்னவாகும்?

உணவைப் பசித்து, சவைத்து, சுவைத்து கவனித்து, இடையில் தண்ணீர் குடிக்காமல் உண்ண வேண்டும்.

இதை நீங்கள் சரியாக செய்வதின் மூலம் ஆரோக்கியத்தின் முதல் படியில் கால்வைக்கிறீர்கள்.

தாகம்

அனைவருக்கும் பொதுவாகத் தண்ணீரின் அளவு நிர்ணயிக்கப்படுகிறது, இது தவறு. ஏசியில் வேலைபார்க்கும் நபருக்கு மூன்று லிட்டர் தண்ணீர் தேவைப்படாது. மீறி குடித்தால் சிறுநீரகம் பாதிக்கப்படும்.

வெயிலில் கட்டட வேலை செய்பவருக்கு மூன்று லிட்டர் போதாது. இவருக்கு அதிகம் தேவைப்படும். இவர் மூன்று லிட்டர் குடித்தால் சிறுநீரகம் பாதிக்கப்படும்.

சரி, எவ்வளவுதான் குடிப்பது என கேட்கிறீர்களா? ஒரு மனிதர் உண்ணும் உணவு, வாழும் இடம், செய்யும் வேலை இதை பொறுத்துத் தண்ணீரின் அளவு மாறுபடும்.

தாகம் எடுக்கும்போது குடியுங்கள். தாகம் தீரும் வரை குடியுங்கள். மீண்டும் தாகம் எடுத்தால் குடியுங்கள். அளவுகளைப் பார்க்க வேண்டிய அவசியம் இல்லை.

Ro, Mineral, Filter, boiled water பேராபத்து.

இதை நீங்கள் குடித்தால் சிறுநீரகம் சிதைந்து, இது தொடர்பான ஆயிரம் நோய்கள் வரும். சுருக்கமாகச் சொல்ல வேண்டும் என்றால் குழந்தை பிறக்காது.

தண்ணீரை இயற்கை முறையில் சுத்திகரிக்க பருத்தி துணியில் வடித்து மண் பானை, செம்பு பாத்திரத்தில் ஊற்றி வைத்துக் குடிக்கலாம்.

‘தாயைப் பழித்தாலும் தண்ணீரைப் பழிக்காதே’ என்பார்கள்.

நீரின் முக்கியத்துவத்தை இந்த பழமொழி நமக்கு உணர்த்தும்.

தண்ணீரை இயற்கை முறையில் சுத்திகரித்து குடிப்பதின் மூலம் நீங்கள் ஆரோக்கியத்தின் இரண்டாவது படியை அடைவீர்கள்.

உடல் உழைப்பு

ஒரு வாகனத்தை மூன்று மாதங்கள் ஓட்டாமல் வைத்திருந்தால் என்னவாகும்? அதே நிலைதான் உடலுக்கும். குறைந்தபட்சம் ஒரு நாளைக்கு ஒரு மணி நேரமாவது உடல் உழைப்பு அவசியம்.

இதற்கு நீங்கள் Walking, yoga, Gym செய்ய வேண்டிய அவசியமில்லை. வீட்டு வேலைகளை இயந்திரத் துனையின்றி செய்தாலே போதுமானது.

உடலுக்கு வேலை கொடுப்பதின் மூலம் நீங்கள் ஆரோக்கியத்தின் மூன்றாம் படியை அடைவீர்கள்.

தூக்கம்

யாருக்குத் தூக்கம் வரும்? உடலுக்கு வேலை கொடுப்பவருக்கே தூக்கம் வரும். மனதுக்கு வேலை கொடுப்பவருக்குத் தூக்கம் வராது. மனதுக்கு மட்டும் வேலை கொடுத்துவிட்டு நீங்கள் தூக்கத்தை எதிர்பார்க்கக் கூடாது.

ஒருநாள் குனிந்து நிமிர்ந்து உடலுக்கு வேலை கொடுத்துப் பாருங்கள் எப்படி தூக்கம் வருகிறதென்று.

ஒரு மனிதன் உயிர் வாழ உணவு, காற்று, நீர் எவ்வளவு முக்கியமோ அதே அளவு தூக்கமும் முக்கியம்.

இரவு கண் விழித்து வேலை பார்ப்பது உங்கள் உயிருக்கே ஆபத்தாக முடியும்.

பகலில் உறங்கி சமன் செய்துவிடலாம் என நினைக்காதீர்கள். நீங்கள் தலைகீழாக நின்றாலும், கோடி கோடியாகக் கொடுத்தாலும் இரவு உறக்கத்தை உங்களால் ஈடு செய்யவே முடியாது. இரவு தூங்க வேண்டிய சரியான நேரம் 9 மணி.

நீங்கள் 10 மணிக்கு மேல் கண் விழித்திருப்பவராக இருந்தால், மருத்துவச் செலவுக்குப் பணம் சேர்த்து வைத்துக்கொள்ளுங்கள். உங்களுக்கு மிகப்பெரிய நோய் வரப்போகிறது.

இரவு உறக்கம் சரியில்லை என்றால் கல்லீரல், பித்தப்பை தொடர்பான ஆயிரம் நோய்கள் வரும்.

நீங்கள் இரவு 9 மணிக்கு உறக்கச் செல்வதின் மூலம் ஆரோக்கியத்தின் நான்காம் படியில் அடியெடுத்து வைப்பீர்கள்.

ஓய்வு

சளி, காய்ச்சல், தலைவலி, அசதி போன்ற உடலின் கழிவு நீக்க செயலுக்கு நாம் ஓடி ஓடி மருந்து மாத்திரை எடுக்காமல், உடலுக்கு ஓய்வுகொடுக்க வேண்டும்.

சளி, காய்ச்சலுக்கு ஆங்கில மருத்து எடுப்பது தற்கொலை செய்வதற்கு சமம்.

உடல் கேட்கும்போது ஓய்வு கொடுத்ததால் நீங்கள் ஆரோக்கியத்தின் ஐந்தாம் படியை அடைவீர்கள்.

மன நிம்மதி

ஐந்து கட்டங்களை வெற்றிகரமாகத் தாண்டி வந்த உங்களுக்கு மன நிம்மதி என்று ஒன்றுமில்லை என்றால் பின் கீழ் சறுக்கி பழைய நிலைக்கு சென்றுவிடுவீர்கள்.

மனம் நிம்மதியாக இருக்க யாரிடமும் எதற்காகவும் கடன் வாங்காதீர்கள். உங்களுக்குப் பிடித்ததை படியுங்கள். பிடித்த வேலை செய்யுங்கள். மாதம் ஒரு நாளாவது உங்களுக்குப் பிடித்த சுற்றுலாத் தலங்களுக்குச் சென்று வாருங்கள்.

மனதை நிம்மதியாக வைக்கும் கலைகளைக் கற்று தேர்ந்து ஆறாவது படியில் வீற்றிருக்கும் ஆரோக்கிய அன்னையை அடைந்துவிடுவீர்கள்.

இனி யமன் உங்களைக் கண்டு அஞ்சுவார்.

ஆறு படிகளைக் கடந்தோம். ஆரோக்கியத்தை அடைவோம்.

சேதுராமன் & மணி

அனுமதியின்றி மண் எடுத்துக் கொள்ளலாம்!

3 நிமிட வாசிப்பு

அனுமதியின்றி மண் எடுத்துக் கொள்ளலாம்!

தவறான முடி திருத்தம் - ரூ.2 கோடி இழப்பீடு: தேசிய நுகர்வோர் குறை ...

11 நிமிட வாசிப்பு

தவறான முடி திருத்தம் - ரூ.2 கோடி இழப்பீடு: தேசிய நுகர்வோர் குறை தீர்ப்பு ஆணையத்தின் அதிரடி!

திங்கள்கிழமை தடுப்பூசி போடப்படாது: செயலாளர் ராதாகிருஷ்ணன் ...

4 நிமிட வாசிப்பு

திங்கள்கிழமை தடுப்பூசி போடப்படாது: செயலாளர் ராதாகிருஷ்ணன்

திங்கள் 8 ஜன 2018