மின்னம்பலம் மின்னம்பலம்

சனி 6 ஜன 2018

ஆயிரம் கோடியை நெருங்கிய காணிக்கை!

ஆயிரம் கோடியை நெருங்கிய காணிக்கை!

2017ஆம் ஆண்டு, திருப்பதி ஏழுமலையான் கோயிலில் உண்டியல் காணிக்கை மூலம் ரூ.995.89 கோடி வருமானம் கிடைத்துள்ளதாக தேவஸ்தானம் நேற்று (ஜனவரி 5) அறிவித்துள்ளது.

இந்தியாவின் முதல் பணக்கார கடவுளான திருப்பதி ஏழுமலையான் கோயிலுக்கு ஆண்டுதோறும் கோடிக்கணக்கான பக்தர்கள் வந்து செல்கின்றனர். அவ்வாறு வரும் பக்தர்கள் நகை பணம் உள்ளிட்டவற்றை காணிக்கையாக உண்டியலில் செலுத்துவது வழக்கம்.

2017ஆம் ஆண்டு 2.73 கோடி பக்தர்கள் திருப்பதியில் சாமி தரிசனம் செய்துள்ளனர். அவர்கள் 995.89 கோடி ரூபாயை உண்டியலில் காணிக்கையாக செலுத்தியுள்ளனர். அவர்களிடம் 10 கோடியே 66 லட்சத்து 72 ஆயிரத்து 730 லட்டுகள் விற்பனை செய்யப்பட்டுள்ளது. இதேபோல், 66 கோடியே 6 லட்சத்து 90 ஆயிரத்து 594 பக்தர்களுக்கு அன்னப்பிரசாதம் வழங்கப்பட்டுள்ளது. பிரசாதம் மூலமாக மட்டும் 10.66 கோடி ரூபாய் வருமானம் கிடைத்துள்ளது. அதேபோல் 1 கோடியே 22 லட்சத்து 37 ஆயிரத்து 368 பக்தர்கள் மொட்டை அடித்து தலைமுடி காணிக்கை செலுத்தியுள்ளனர். இதன் விற்பனை மூலம் 6.39 கோடி ரூபாய் வருமானம் கிடைத்துள்ளது.

2016ஆம் ஆண்டு நவம்பர் மாதம் 8ஆம் தேதி பண மதிப்பழிப்பு நடவடிக்கை மேற்கொள்ளப்பட்டது. அதைத் தொடர்ந்து திருப்பதி உண்டியலில் ஏராளமான பழைய 500 மற்றும் 1000 ரூபாய் நோட்டுகள் குவிந்தன. இதன்மூலம் கடந்த 2016ஆம் ஆண்டில் 1046.28 கோடி ரூபாய் வசூலாகியது.

பதிவுத் துறை வருவாய் கிடுகிடு உயர்வு:காரணம் என்ன?

4 நிமிட வாசிப்பு

பதிவுத் துறை வருவாய் கிடுகிடு உயர்வு:காரணம் என்ன?

இந்தியாவிலிருந்து ஃபோர்டு வெளியேற முக்கிய காரணம் என்ன?

9 நிமிட வாசிப்பு

இந்தியாவிலிருந்து ஃபோர்டு வெளியேற முக்கிய காரணம் என்ன?

முதுநிலை ஆசிரியர் தேர்வு: முறைகேட்டில் ஈடுபட்டால் ஆயுட்கால ...

3 நிமிட வாசிப்பு

முதுநிலை ஆசிரியர் தேர்வு: முறைகேட்டில் ஈடுபட்டால் ஆயுட்கால தடை!

சனி 6 ஜன 2018