மின்னம்பலம் மின்னம்பலம்

சனி 6 ஜன 2018

கழிப்பறை கட்ட கெஞ்சும் முதல்வர்!

கழிப்பறை கட்ட கெஞ்சும் முதல்வர்!

ஆந்திர மாநிலத்தில் மார்ச் 31ஆம் தேதிக்குள் எல்லா வீட்டிலும் கழிப்பறைகள் அமைக்காவிட்டால் உண்ணாவிரதம் இருக்கப்போவதாக அம்மாநில முதலமைச்சர் சந்திரபாபு நாயுடு தெரிவித்துள்ளார்.

தெலுங்கு தேசம் கட்சியின் தலைமையிலான ஆந்திர மாநில அரசின் சார்பில் பல்வேறு பகுதிகளில் ‘ஜென்ம பூமி’ நிகழ்ச்சிகள் நடத்தப்படுகின்றன. ஸ்ரீகாகுளம் மாவட்டத்தில் ஜனவரி 4 அன்று நடைபெற்ற நிகழ்ச்சியில் ஆந்திர முதலமைச்சர் சந்திரபாபு நாயுடு பங்கேற்று உரையாற்றினார்.

அப்போது, “ஆந்திராவில் மொத்தம் உள்ள 13 மாவட்டங்களில், 6 மாவட்டங்களில் 100 சதவிகிதம் கழிப்பறை வசதிகள் உருவாக்கப்பட்டுவிட்டன. அதேபோல் மீதம் உள்ள 7 மாவட்டங்களிலும் நிறைவேற்றப்பட வேண்டும். ஆந்திரா முழுவதும் தூய்மையாகவும், சுகாதாரமாகவும் மாற்றுவதையே நான் குறிக்கோளாகக் கொண்டுள்ளேன்.

அப்படி இல்லையென்றால், உங்கள் கிராமத்துக்கு வந்து இரவும் பகலும் உங்களுடன் இருந்து கழிப்பறையைக் கட்டிய பிறகுதான் அமராவதி நகருக்குத் திரும்பி செல்வேன். இல்லையேல் வரும் மார்ச் மாதம் 31ஆம் தேதிக்குப் பிறகு அமைதியான வழியில் தர்ணா போராட்டத்தில் குதிப்பேன். ஒருநாள் முழுவதும் உண்ணாவிரதமும் இருப்பேன். அதன்பிறகாவது என்மீது பரிதாபப்பட்டு நீங்கள் கழிப்பறைகளைக் கட்டுவீர்கள் என எதிர்பார்க்கிறேன்” என்று கூறியுள்ளார்.

அசைவம்: அதிகம் விரும்புவது ஆண்களா... பெண்களா?

2 நிமிட வாசிப்பு

அசைவம்: அதிகம் விரும்புவது ஆண்களா... பெண்களா?

லக்னோ பல்கலைக்கழகப் பேராசிரியர் வளாகத்திலேயே தாக்கப்பட்டார்! ...

3 நிமிட வாசிப்பு

லக்னோ பல்கலைக்கழகப் பேராசிரியர் வளாகத்திலேயே தாக்கப்பட்டார்!

பணவீக்கம்: உணவுப் பொருட்களின் விலை மேலும் உயரும் - ரிசர்வ் வங்கி ...

3 நிமிட வாசிப்பு

பணவீக்கம்: உணவுப் பொருட்களின் விலை மேலும் உயரும் - ரிசர்வ் வங்கி

சனி 6 ஜன 2018