கோயம்புத்தூர் பிஎஸ்ஜி (PSG) காலேஜ்ல சீட் வேணுமா? கட்-ஆஃப் எவ்ளோ இருக்கணும்? இதோ முழு விவரம்!

By Santhosh Raj Saravanan

|

Published on 31 Dec 2025, 10:58 AM

psg college of technology admission cutoff details

“என் பசங்களுக்கு கோயம்புத்தூர்ல தான் காலேஜ் வேணும்… அதுவும் பிஎஸ்ஜி (PSG) கிடைச்சா லைஃபே செட்டில்!” என்று சொல்லாத பெற்றோர்களே தமிழ்நாட்டில் இல்லை எனலாம். “அண்ணா யுனிவர்சிட்டிக்கு அடுத்து பெஸ்ட் எது?” என்று கேட்டால், கண்ணை மூடிக்கொண்டு “பிஎஸ்ஜி டெக்” என்று சொல்லும் அளவுக்கு, இந்தக் கல்லூரிக்கு மவுசு அதிகம். ஆனால், அங்கே ஒரு சீட் வாங்குவது அவ்வளவு சாதாரண விஷயமா?

2025ஆம் ஆண்டு அட்மிஷன் நிலவரம் என்ன? இதோ ஒரு விரிவான அலசல்!

ADVERTISEMENT

ஏன் இந்த மவுசு?

கோயம்புத்தூரின் அடையாளமாகத் திகழும் பிஎஸ்ஜி தொழில்நுட்பக் கல்லூரி (PSG College of Technology), தரமான கல்விக்கு மட்டுமல்ல, ‘டாப் கிளாஸ்’ பிளேஸ்மென்ட்டுக்கும் (Placement) பெயர் பெற்றது. இங்குப் படித்தால் வேலை நிச்சயம் என்பதால், ஒவ்வொரு வருடமும் கவுன்சிலிங்கில் முதல் சில நாட்களிலேயே இங்குள்ள இடங்கள் நிரம்பிவிடும்.

ADVERTISEMENT

அட்மிஷன் ப்ராசஸ் (Admission Process) எப்படி?

பிஎஸ்ஜி கல்லூரியில் சேரத் தனி நுழைவுத் தேர்வு எதுவும் கிடையாது.

ADVERTISEMENT
  • அரசு ஒதுக்கீடு (Government Quota): அண்ணா பல்கலைக்கழகம் நடத்தும் TNEA கவுன்சிலிங் மூலமாகவே பெரும்பான்மையான இடங்கள் நிரப்பப்படுகின்றன. உங்களின் 12ஆம் வகுப்பு ‘கட்-ஆஃப்’ மதிப்பெண்தான் இங்கே ஹீரோ!
  • பாடப்பிரிவுகள்: பி.இ (B.E), பி.டெக் (B.Tech) பிரிவுகளில் கம்ப்யூட்டர் சயின்ஸ் (CSE), மெக்கானிக்கல், இசிஇ (ECE), ரோபோட்டிக்ஸ், பயோ மெடிக்கல் எனப் பல முக்கியப் படிப்புகள் உள்ளன.

கட்-ஆஃப் (Cut-off) நிலவரம் என்ன?

பிஎஸ்ஜியில் சீட் கிடைக்க வேண்டும் என்றால், உங்கள் கட்-ஆஃப் ‘உச்சத்தில்’ இருக்க வேண்டும்.

  • கம்ப்யூட்டர் சயின்ஸ் (CSE): பொதுப் பிரிவினருக்கு (OC) கட்-ஆஃப் பெரும்பாலும் 200/200 அல்லது 199.5 என்ற அளவிலேயே இருக்கும். பிசி (BC), எம்பிசி (MBC) பிரிவினருக்கும் 198க்கு குறையாமல் இருந்தால்தான் நம்பிக்கை வைக்க முடியும்.
  • மெக்கானிக்கல் & ECE: இதற்கும் கடுமையான போட்டி இருக்கும். 190-க்கு மேல் கட்-ஆஃப் வைத்திருப்பவர்களுக்கே முன்னுரிமை கிடைக்கும்.
  • பிற பாடப்பிரிவுகள்: டெக்ஸ்டைல் (Textile), ஃபேஷன் டெக்னாலஜி போன்ற படிப்புகளுக்குக் கட்-ஆஃப் சற்று குறைய வாய்ப்புள்ளது.

மாணவர்களே… பிஎஸ்ஜி கனவு காண்பது தப்பில்லை, ஆனா ரியாலிட்டி (Reality) புரியணும். ‘எனக்கு சிஎஸ்இ (CSE) மட்டும் தான் வேணும்’னு ஒற்றைக்காலில் நிக்காதீங்க. பிஎஸ்ஜியைப் பொறுத்தவரை எந்த டிபார்ட்மென்ட்ல சேர்ந்தாலும் வேலைவாய்ப்பு பிரகாசமா இருக்கும்.

உதாரணமா, ‘ரோபோட்டிக்ஸ்’ (Robotics) அல்லது ‘இன்ஸ்ட்ருமென்டேஷன்’ (Instrumentation) கிடைச்சா கூடக் கண்ணை மூடிட்டுச் சேருங்க. ஏன்னா, பிஎஸ்ஜிங்கற ‘பிராண்ட்’ (Brand) உங்க கேரியருக்குப் பெரிய பூஸ்ட் கொடுக்கும். உங்க கட்-ஆஃப் 190க்கு கீழ இருந்தா, பிஎஸ்ஜி எய்டட் (Aided) கிடைக்கலைனாலும், செல்ஃப் சப்போர்ட்டிங் (Self-supporting) பிரிவில் கிடைக்க வாய்ப்பிருக்கானு பாருங்க.

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Santhosh Raj Saravanan

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel