மின்னம்பலம் மின்னம்பலம்

புதன் 23 பிப் 2022

ஜெயக்குமாருக்கு இரண்டாவது வழக்கிலும் நீதிமன்ற காவல்!

ஜெயக்குமாருக்கு இரண்டாவது வழக்கிலும் நீதிமன்ற காவல்!

ஜெயக்குமார் மீது தொடரப்பட்ட இரண்டாவது வழக்கிலும் அவரை மார்ச் 9ஆம் தேதி வரை நீதிமன்ற காவலில் வைக்க உத்தரவிடப்பட்டுள்ளது.

கடந்த 19ஆம் தேதி நகர்ப்புற உள்ளாட்சித் தேர்தல் நடந்த போது ராயபுரம் மண்டலத்துக்கு உட்பட்ட 49 வது வார்டில் உள்ள சஞ்சீவிராயன் கோயில் தெருவில் அமைக்கப்பட்ட வாக்குச்சாவடிக்குள், திமுகவைச் சேர்ந்த நரேஷ் அத்துமீறி நுழைந்ததாக அதிமுக வழக்கறிஞர்கள் குழு குற்றம்சாட்டியது.

அப்போது முன்னாள் அமைச்சர் ஜெயக்குமார் அந்த நபரின் சட்டையைக் கழட்டச் சொல்லி போலீசாரிடம் ஒப்படைத்தார். இந்த காட்சிகள் சமூக வலைதளங்களில் வைரலானது.

இதையடுத்து அந்த நபர் அளித்த புகாரின் பெயரில் ஜெயக்குமார் உள்ளிட்டோர் மீது தண்டையார்பேட்டை காவல் நிலையத்தில் வழக்குப்பதிவு செய்யப்பட்டது.

இந்த சூழலில் நேற்று முன்தினம் இரவு, ஜெயக்குமார் தனது வீட்டில் சாப்பிட்டுக் கொண்டிருந்தபோது கைது செய்யப்பட்டார். அவரை போலீசார் ஜார்ஜ் டவுன் நீதிமன்றத்தில் ஆஜர்படுத்திய நிலையில், 15 நாட்கள் நீதிமன்ற காவல் விதிக்கப்பட்டது.

இந்த சூழலில் அரசு உத்தரவை மீறி சாலை மறியல் போராட்டத்தில் ஈடுபடுதல் மற்றும் தொற்றுநோய் பரவ காரணமாகச் செயல்படுதல் என தொற்றுநோய் தடுப்பு சட்டத்தின்கீழ் ஜெயக்குமார் இன்று மற்றொரு வழக்கில் கைது செய்யப்பட்டார்.

இந்நிலையில் இன்று அவர் தாக்கல் செய்த ஜாமீன் மனு காலை 10.30 மணிக்கு விசாரணைக்கு வந்த நிலையில் அவரை ஜார்ஜ் டவுன் நீதிமன்றத்துக்கு அழைத்து வந்து போலீசார் ஆஜர்படுத்தினர்.

அவரது மனுவை விசாரித்த நீதிமன்றம் இரண்டாவது வழக்கிலும் ஜெயக்குமாரை மார்ச் 9 ஆம் தேதி வரை நீதிமன்ற காவலில் வைக்க நீதிமன்றம் உத்தரவிட்டது

இதனிடையே ஜார்ஜ் டவுன் நீதிமன்றம் முன்பு திரண்ட அதிமுகவினர் திமுக அரசுக்கு எதிராக கோஷங்கள் எழுப்பினர்.

-பிரியா

அதிமுக பொதுக்குழுவுக்குத் தடையா?

3 நிமிட வாசிப்பு

அதிமுக பொதுக்குழுவுக்குத் தடையா?

எடப்பாடி நடத்தும் எதுவுமே செல்லாது: தேர்தல் ஆணையத்திடம் பன்னீர் ...

7 நிமிட வாசிப்பு

எடப்பாடி நடத்தும் எதுவுமே செல்லாது: தேர்தல் ஆணையத்திடம் பன்னீர் புகார்!

தற்காலிக பொதுச் செயலாளர் எடப்பாடி: தலைமைக் கழகக் கூட்டத்தில் ...

4 நிமிட வாசிப்பு

தற்காலிக பொதுச் செயலாளர் எடப்பாடி: தலைமைக் கழகக் கூட்டத்தில் முடிவு!

புதன் 23 பிப் 2022