மின்னம்பலம் மின்னம்பலம்

செவ்வாய் 24 ஆக 2021

ராகவன் வீடியோவை நான் வெளியிடச் சொன்னேனா? அண்ணாமலை பதில்

ராகவன் வீடியோவை நான் வெளியிடச் சொன்னேனா? அண்ணாமலை பதில்

தமிழக பாஜக பொதுச் செயலாளராக இருந்த கே.டி.ராகவன் பற்றிய ஆபாச வீடியோவை யூ ட்யூபரும் பாஜகவைச் சேர்ந்தவருமான மதன் ரவிச்சந்திரன் இன்று (ஆகஸ்டு 24) வெளியிட்டார். அதையடுத்து தனது கட்சிப் பதவியை ராஜினாமா செய்தார் கே.டி.ராகவன்.

அந்த வீடியோவில், “தமிழக பாஜக தலைவர் அண்ணாமலையின் ஒப்புதலோடுதான் இந்த வீடியோ வெளியிடப்படுகிறது” என்று மதன் கூறியிருந்த நிலையில் இது பாஜகவுக்குள் சலசலப்புகளையும் சர்ச்சைகளையும் ஏற்படுத்தியுள்ளது.

இந்த நிலையில் தமிழக பாஜக தலைவர் அண்ணாமலை இதுபற்றி ஒரு விளக்கத்தை இன்று (ஆகஸ்டு 24) அளித்துள்ளார்.

“இன்று காலை சமூக ஊடகத்தில் வெளியான கட்சியின் மாநில பொதுச் செயலாளர் கே. டி. ராகவன் சம்பந்தப்பட்ட வீடியோ குறித்த செய்திகளை அறிந்தேன். இந்த வீடியோவை வெளியிட்ட யூடியூபர் மதன் ரவிச்சந்திரன் என்னை சந்தித்து பேசியது உண்மை.

முதல்முறையாக என்னை கட்சி அலுவலகத்தில் அவர் சந்தித்துப் பேசியபோது, கட்சியில் பொறுப்பில் இருப்பவர்கள் பற்றிய வீடியோ ஆதாரங்கள் தன்னிடம் இருப்பதாகவும் உடனடியாக அவர்கள் மீது கட்சி ரீதியான நடவடிக்கை எடுக்க வேண்டும் என்றும் கேட்டுக்கொண்டார்.

ஒருவர் மீது சுமத்தப்படும் குற்றங்களால் மட்டும் அவருக்கு தண்டனை கொடுக்கப்பட்டு விடக்கூடாது, அதன் உண்மைத் தன்மையை ஆராய வேண்டும், குற்றச்சாட்டில் உண்மை இருக்கும் பட்சத்தில் அவர்கள் மீது நடவடிக்கை எடுக்கப்படும் என்று உறுதி அளித்தேன்.

ஆகவே அந்த வீடியோ பதிவுகளை எங்களிடம் காட்சிப்படுத்தினால் அதன் உண்மைத் தன்மையை கண்டறிந்து நடவடிக்கை எடுப்பேன் என்று கூறினேன். ஆனால் அவர் பதிவுகளை என்னிடம் ஒப்படைக்க மறுத்துவிட்டார்.

அடுத்த நாள் மறுபடி என்னை அலுவலகத்தில் சந்தித்த மதன் ரவிச்சந்திரன் வலுவான வீடியோ பதிவுகள் உள்ளன. அவர்கள் மீது நீங்கள் நடவடிக்கை எடுக்க வேண்டும் என்று வலியுறுத்திக் கூறினார்.

ஒரு சர்ச்சைக்குரிய வீடியோ பதிவை நம்பி மட்டும் அதன் உண்மைத்தன்மையை அறியாமல் சம்பந்தப்பட்டவர்களிடம் அதன் மேல் விசாரணை செய்யாமல் குற்றம்சாட்டும் நபரின் வாய் வார்த்தையை மட்டும் நம்பி எப்படி நடவடிக்கை எடுக்க முடியும்? ஆகவே மதன் ரவிச்சந்திரன் இரண்டாம் முறை வலியுறுத்திய போதும் ஆதாரமாக அவர் சுட்டும் பதிவுகளை சமர்ப்பிக்க கூறினேன்.

அதன்பின் மூன்றாவது முறையாக அலைபேசியில் குறுஞ்செய்தி அனுப்பி நான் ஏற்கனவே கேட்டுக்கொண்டபடி எனக்கு உடனடியாக நியாயம் கிடைக்குமா?, நடவடிக்கை எடுக்கப்படுமா என்று கேட்டிருந்தார். கட்சி ரீதியான நடவடிக்கை என்ற முடிவையும் காலம் தாழ்த்தாமல் உடனடியாக எடுக்க வேண்டும் என்றும் வலியுறுத்தி இருந்தார். உடனடியாக நடவடிக்கை எடுக்கவில்லை என்றால் தான் வீடியோ பதிவுகளை வெளியிடப் போவதாக குறுஞ்செய்தியில் கூறியிருந்தார் மதன்.

முன்னர் இரண்டு முறை சந்தித்தபோது நான் கூறியபடி குற்றச்சாட்டு என்ன என்பதை அறியாமல் நடவடிக்கை எடுக்க முடியாது என்ற என் முடிவில் நான் உறுதியாக இருந்தேன். ஆகவே என் பதிலில் செய்துகொள்ளுங்கள் என்று சுருக்கமாக முடித்து விட்டேன்”என்று தெரிவித்திருக்கிறார் அண்ணாமலை.

மேலும் அவர், “ இன்று காலை கே டி ராகவன் அவர்களிடம் பேசினேன். 30 ஆண்டு காலத்துக்கு மேலாக உண்மையாகவும் நேர்மையாகவும் கட்சி பணியாற்றிய தன் மீது களங்கம் கற்பிக்கப்பட வேண்டும் என்ற நோக்கத்துடன் கட்சியின் நற்பெயருக்கு ஊறு விளைவிக்கும் எண்ணத்துடன் உயர் தொழில்நுட்பத்தில் தனக்கு எதிராக ஜோடிக்கப்பட்ட குற்றச்சாட்டு என்றும் இதைத்தான் சட்டரீதியாக எதிர்கொள்ள இருப்பதாகவும் கே. டி. ராகவன் தெரிவித்தார். மேலும் கட்சியின் மாண்பையும் செம்மையும் கருதி தான் கட்சியின் பொறுப்பிலிருந்து ராஜினாமா செய்வதாக தெரிவித்தார். நானும் அவரது ராஜினாமாவை ஏற்றுக் கொண்டேன். கே.டி. ராகவன் இந்தப் பிரச்சினையை முறைப்படி சட்டரீதியாக எதிர்கொண்டு நிரூபிப்பார் என்ற நம்பிக்கை எனக்கு இருக்கிறது” என்று கூறியிருக்கிறார் தமிழக பாஜக தலைவர் அண்ணாமலை.

இதன் மூலம் கே.டி.ராகவன் பற்றிய வீடியோவை வைத்துக் கொண்டு அண்ணாமலையை இருமுறை மதன் ரவிச்சந்திரன் சந்தித்துப் பேசியது தெளிவாகிறது.

-வேந்தன்

வெங்கடாசலம் தற்கொலைப் பின்னணி: அச்சத்தில் மாஜி விஐபிக்கள்!

13 நிமிட வாசிப்பு

வெங்கடாசலம் தற்கொலைப் பின்னணி: அச்சத்தில் மாஜி விஐபிக்கள்!

ஜெ. நினைவு தினம்: எடப்பாடி கார் மீது செருப்பு வீச்சு!

5 நிமிட வாசிப்பு

ஜெ. நினைவு தினம்:  எடப்பாடி கார் மீது செருப்பு வீச்சு!

காங்கிரஸ் இல்லாத எதிர்க்கட்சி கூட்டணி ஆபத்தானது: மம்தாவுக்கு ...

3 நிமிட வாசிப்பு

காங்கிரஸ் இல்லாத எதிர்க்கட்சி கூட்டணி ஆபத்தானது: மம்தாவுக்கு சிவசேனா

செவ்வாய் 24 ஆக 2021