மின்னம்பலம் மின்னம்பலம்

ஞாயிறு 18 ஜூலை 2021

விமர்சித்த வைகோவின் நலம் விசாரித்த மோடி

விமர்சித்த வைகோவின் நலம் விசாரித்த மோடி

நாடாளுமன்றக் கூட்டத் தொடர் துவங்குவதை முன்னிட்டு டெல்லியில் இன்று (ஜூலை 18) அனைத்துக் கட்சித் தலைவர்கள் கூட்டம் நாடாளுமன்ற வளாகத்தில் உள்ள அரங்கத்தில், நடைபெற்றது.

நாடாளுமன்ற விவகாரங்கள் துறை அமைச்சர் பிரகலாத் ஜோஷி ஏற்பாட்டில் நடந்த இந்தக் கூட்டத்துக்கு மூத்த அமைச்சர் ராஜ்நாத் சிங் தலைமை வகித்தார். மாநிலங்கள் அவை முன்னவர் பியுஷ் கோயல் கலந்து கொண்டார். நாடாளுமன்றத்தை சுமுகமாக நடத்துவது பற்றி ஆலோசிக்கப்பட்ட இந்தக் கூட்டம் முடியப் போகும் வேளையில் பிரதமர் மோடியும் கூட்டத்தில் பங்கேற்றார்.

அப்போது மீதி பேசவேண்டிய கட்சிகளின் உறுப்பினர்களைப் பார்த்து, குறைந்த நேரம் பேசுங்கள் என்று அமைச்சர் பிரகலாத் ஜோஷி கூற மதிமுக பொதுச் செயலாளரும் மாநிலங்களவை எம்பியுமான வைகோ அதற்கு எதிர்ப்பு தெரிவித்தார்.

“இந்தக் கூட்டத்தில் ஒரு கட்சிக்கு ஒருவரைத்தான் பேச அனுமதித்திருக்க வேண்டும். பல கட்சிகளில் இரண்டு உறுப்பினர்களைப் பேச அனுமதித்தீர்கள். அதனால், எங்களைப் போன்ற மற்ற கட்சிகளுக்கு நேரத்தைக் குறைக்கின்றீர்கள்.

இந்தியா ஒரு ஆபத்தான பாதையில் சென்று கொண்டு இருக்கின்றது. ஜனநாயகத்தின் அடித்தளத்தையே அசைக்கின்ற விதத்தில், கூட்டாட்சிக் கொள்கைக்கு வேட்டு வைக்க முனைகின்றீர்கள். சமூக நீதியை, சவக்குழிக்கு அனுப்ப முயற்சிக்கின்றீர்கள். இந்த நாட்டின் ஒருமைப்பாடு நிலைக்க வேண்டும் என்றால், இன்றைய அரசின் நிலைப்பாடு மாற வேண்டும்.

ஒரே மொழி, ஒரே மதம், ஒரே பண்பாடு என ஒரு கொள்கையை வகுத்துக்கொண்டு,ஜனநாயகத்தை அழிக்கின்ற முயற்சியில் ஈடுபட்டு இருக்கின்றீர்கள்.

தமிழ்நாட்டைப் பொறுத்தமட்டில், நீட் தேர்வு 13 மாணவ, மாணவியரின் உயிர்களைப் பறித்து விட்டது. காவிரி டெல்டாவைப் பாலைவனமாக்கும் முயற்சிகள் நடைபெறுகின்றன.

கொழுந்து விட்டு எரிகின்ற மேகே தாட்டு அணைப் பிரச்சினையில், ஒன்றிய அமைச்சரைச் சந்தித்துக் கருத்துச் சொல்ல, தமிழ்நாடு முதல் அமைச்சர் மு.க.ஸ்டாலின் அவர்கள் ஒரு குழுவை அனுப்பினார். நானும் அந்தக் குழுவில் இடம் பெற்றேன். மேகேதாட்டு அணை கட்ட அனுமதிக்க மாட்டோம் என்று, அமைச்சர் கஜேந்திர சிங் செகாவத் சொன்னார். ஆனால், கர்நாடக முதல் அமைச்சர் எடியூரப்பா, பிரதமர் மோடியைச் சந்திக்கின்றார். மேகேதாட்டுஅணை கட்டுவதற்கான ஏற்பாடுகளைச் செய்கின்றார்.

முயலோடு சேர்ந்து ஓடுவது, வேட்டை நாயோடு சேர்ந்து துரத்துவது போன்ற அணுகுமுறையை, ஒன்றிய அரசு பின்பற்றி வருகின்றது. இத்தகைய போக்கு மாற வேண்டும். ஜனநாயகத்தை காக்க வேண்டும்”என்று வைகோ பேசினார்.

கூட்டத்தில் வைகோ தனது அரசை கடுமையாக விமர்சித்துப் பேசிய நிலையில் கூட்டம் முடிந்ததும் பல்வேறு தலைவர்களிடமும் தனிப்பட்ட முறையில் பிரதமர் மோடி பேசினார். அந்த வகையில் வைகோ அருகில் வந்த பிரதமர் நரேந்திர மோடி, ‘வைகோஜி உடல் நலம் எப்படி இருக்கிறது?’ என்று நலம் விசாரித்துள்ளார். இதை வைகோ தனது செய்திக் குறிப்பில் தெரிவித்துள்ளார்.

-வேந்தன்

திமுகவுக்கு படையெடுக்கத் தயாராகும் மதிமுக மாசெக்கள்: ஸ்டாலின் ...

10 நிமிட வாசிப்பு

திமுகவுக்கு படையெடுக்கத் தயாராகும் மதிமுக மாசெக்கள்:  ஸ்டாலின் ரியாக்‌ஷன்

அரசுச் செயலர் அமுதாவின் வாட்ஸ்அப் எச்சரிக்கை!

6 நிமிட வாசிப்பு

அரசுச் செயலர் அமுதாவின் வாட்ஸ்அப் எச்சரிக்கை!

தங்கவேட்டை நடத்தினாரா விஜயபாஸ்கர்?  அமலாக்கத் துறையின் 8 மணி ...

4 நிமிட வாசிப்பு

தங்கவேட்டை நடத்தினாரா விஜயபாஸ்கர்?   அமலாக்கத் துறையின் 8 மணி நேர விசாரணை!

ஞாயிறு 18 ஜூலை 2021