மின்னம்பலம் மின்னம்பலம்

செவ்வாய் 11 மே 2021

பதவி ஏற்ற புதிய எம்.எல்.ஏ.க்கள்!

பதவி ஏற்ற புதிய எம்.எல்.ஏ.க்கள்!

தமிழகத்தில் 16ஆவது சட்டப்பேரவையின் முதல் கூட்டத் தொடர் இன்று நடைபெற்றது. இதில் சட்டமன்றத் தேர்தலில் வெற்றிபெற்ற எம்எல்ஏக்களுக்கு தற்காலிக சபாநாயகர் கு.பிச்சாண்டி பதவிப் பிரமாணம் செய்து வைத்தார்.

நடந்து முடிந்த சட்டமன்ற தேர்தலில் திமுக அமோக வெற்றி பெற்று ஆட்சியைப் பிடித்தது. முதலமைச்சராகக் கடந்த மே 7ஆம் தேதி திமுக தலைவர் ஸ்டாலின் பொறுப்பேற்றார். இந்நிலையில் சட்டசபையின் முதல் கூட்டம் சென்னையில் உள்ள கலைவாணர் அரங்கில் இன்று நடைபெற்றது.

இதில், தேர்தலில் வெற்றி பெற்ற அனைத்து கட்சிகளைச் சேர்ந்த புதிய எம்எல்ஏக்கள் இன்று பதவியேற்றுக் கொண்டனர். இதற்காக அனைத்து எம்எல்ஏக்களும் வெற்றி சான்றிதழ்களுடன் வந்திருந்தனர்.

முதலில் முதலமைச்சர் ஸ்டாலின் எம்எல்ஏவாக பதவி ஏற்றுக் கொண்டார். பின்னர் அமைச்சர்கள் உறுதிமொழி எடுத்துக்கொண்டனர்.

தொடர்ந்து எதிர்க்கட்சித் தலைவரான எடப்பாடி பழனிசாமி, முன்னாள் சபாநாயகர் தனபால், முன்னாள் துணை முதல்வர் ஓ.பன்னீர் செல்வம் ஆகியோர் பதவி ஏற்றுக்கொண்டனர்.

கொரோனா பாதிப்பு காரணமாகத் தமிழக பிற்படுத்தப்பட்டோர் நலத்துறை அமைச்சர் சிவசங்கர், சுற்றுலாத்துறை அமைச்சர் மதி வேந்தன் ஆகிய இருவரும் பங்கேற்கவில்லை.

திருவல்லிக்கேணி சேப்பாக்கம் தொகுதியில் நின்று தேர்தலில் வெற்றி பெற்ற திமுக இளைஞரணி செயலாளர் உதயநிதி ஸ்டாலின், முதல் முறையாக எம்எல்ஏவாக பதவி ஏற்றுக் கொண்டார்.

-பிரியா

நயினார் நாகேந்திரன் பேச்சு: ஓபிஎஸ் அறிக்கை!

10 நிமிட வாசிப்பு

நயினார் நாகேந்திரன் பேச்சு: ஓபிஎஸ் அறிக்கை!

டிஜிட்டல் திண்ணை: ஐஏஎஸ்-ஐபிஎஸ் அதிகாரிகள் சட்டம்: பாஜகவின் தேர்தல் ...

6 நிமிட வாசிப்பு

டிஜிட்டல் திண்ணை: ஐஏஎஸ்-ஐபிஎஸ் அதிகாரிகள் சட்டம்: பாஜகவின் தேர்தல் திட்டம்!

அதிமுக-பாஜக:என்ன நடக்கிறது?

10 நிமிட வாசிப்பு

அதிமுக-பாஜக:என்ன நடக்கிறது?

செவ்வாய் 11 மே 2021