மின்னம்பலம் மின்னம்பலம்

வெள்ளி 30 ஏப் 2021

தேர்தல் முடிவு- வீட்டுக்குள் இருந்தே கவனியுங்கள்- ஸ்டாலின்

தேர்தல் முடிவு- வீட்டுக்குள் இருந்தே கவனியுங்கள்- ஸ்டாலின்

கொரோனா தொற்றுப் பரவல் அதிகமாகிக் கொண்டிருப்பதை அடுத்து ஞாயிறு தோறும் முழு ஊரடங்கு தமிழகத்தில் அறிவிக்கப்பட்டிருக்கிறது.

மே 2 ஆம் தேதி வாக்கு எண்ணிக்கை ஞாயிறு அன்று வருவதால் அன்று முழு ஊரடங்கு பின்பற்றப்பட்டாலும் வாக்கு எண்ணிக்கையில் பங்குபெறும் முகவர்கள், வேட்பாளர்களுக்கு முழு ஊரடங்கில் இருந்து விலக்கு அளிக்கப்பட்டிருக்கிறது. அதேநேரம் நாடு முழுதும் தேர்தல் வெற்றிக் கொண்டாட்ட நிகழ்ச்சிகள் கூடுகைகளுக்கு தேர்தல் ஆணையம் ஏற்கனவே தடை விதித்துள்ளது.

இந்த நிலையில் திமுக தலைவர் ஸ்டாலின் இன்று (ஏப்ரல் 30) தனது கட்சித் தொண்டர்களுக்கும் மாற்றுக் கட்சித் தொண்டர்களுக்கும் ஒரு கோரிக்கை வைத்துள்ளார்.

“சட்டமன்றத் தேர்தல் முடிவுகள் விரைவில் வெளிவரப்போகும் தருணத்தை எதிர்பார்த்துக் கழகத்தைச் சார்ந்தவர்கள் ஆவலுடன் காத்துக்கொண்டிருப்பதை நான் அறிவேன். வாக்களிப்பதற்கு முன்பும் வாக்களித்த பின்பும் வாக்காளர் பெருமக்களிடம் பல்வேறு ஊடகங்கள் நடத்திய கருத்துக் கணிப்புகளில் திராவிட முன்னேற்றக் கழகக் கூட்டணி பெருவாரியான இடங்களைக் கைப்பற்றும் என்கிற உற்சாகமான தகவல் தொடர்ந்து வந்த வண்ணம் இருக்கின்றது.

தமிழகமோ பெருந்தொற்றின் காரணமாகத் தள்ளாடிக் கொண்டிருக்கிறது. படுக்கைகள் கிடைக்காமலும், உயிர்வாயு கிடைக்காமலும் நோயாளிகள் அவதிப்படும் நிலையை ஊடகங்களில் பார்த்து நான் பதைபதைத்துப் போகிறேன். இந்தச் சூழலில் வாக்கு எண்ணும் இடங்களில் குவிந்தோ, சாதகமான முடிவுகள் வர வர ஒன்றுகூடியோ நம் மகிழ்ச்சியைத் தெரியப்படுத்தும் நோக்கத்தில் பெருந்தொற்றுக்கு ஆளாகிவிட வேண்டாம் என்று அன்புடன் கேட்டுக் கொள்கிறேன். இந்தச் சூழலில் இல்லங்களிலேயே இருந்து தேர்தல் முடிவுகளை ஊடகங்களின் மூலம் தெரிந்து கொள்வதும், வெற்றியடைந்த செய்தியைக் கேட்டு நம் இல்லத்திலேயே மகிழ்வதும்தான் பொருத்தமான போக்கு.

கழக வெற்றியைக் கொண்டாடுவதைவிட உடன்பிறப்பின் உயிரைப் பாதுகாப்பதுதான் என்னுடைய தலையாய நோக்கம் என்பதைப் புரிந்துகொண்டு நம் கட்சியைச் சார்ந்தவர்கள் மட்டுமல்ல, தமிழக மக்கள் யாருமே இத்தகைய அலட்சியப்போக்கால் அவதிப்படக் கூடாது என்று மாற்றுக் கட்சித் தோழர்களுக்கும் என்னுடைய வேண்டுகோளைத் தெரிவித்துக்கொள்கிறேன். வீதிகள் வெறிச்சோடட்டும், உள்ளங்கள் மகிழ்ச்சியால் பொங்கட்டும்”என்று வேண்டுகோள் விடுத்துள்ளார் ஸ்டாலின்.

ஒரே நிறுவனத்துக்கு 100 டன் ஸ்வீட்: டெண்டர் விதிமுறைகளைத் திருத்திய ...

6 நிமிட வாசிப்பு

ஒரே நிறுவனத்துக்கு 100 டன் ஸ்வீட்: டெண்டர் விதிமுறைகளைத் திருத்திய அமைச்சர்!

அண்ணாமலையின் ஆதாரத்துக்கு தொடர் பதிலடி கொடுத்த அமைச்சர்!

8 நிமிட வாசிப்பு

அண்ணாமலையின் ஆதாரத்துக்கு தொடர் பதிலடி கொடுத்த அமைச்சர்!

விஜயபாஸ்கர் பினாமிகளின் வங்கி லாக்கர்களுக்கு சீல்?

5 நிமிட வாசிப்பு

விஜயபாஸ்கர் பினாமிகளின் வங்கி லாக்கர்களுக்கு சீல்?

வெள்ளி 30 ஏப் 2021