ஆளுநர் வழக்கு விசாரணை! top ten news today in Tamil January 23 2024
மசோதாக்களுக்கு ஒப்புதல் அளிக்காமல் ஆளுநர் ஆர்.என்.ரவி காலதாமதம் செய்வதாக தமிழக அரசு உச்சநீதிமன்றத்தில் தொடர்ந்த வழக்கு, இன்று (ஜனவரி 23) மீண்டும் விசாரணைக்கு வருகிறது.
அமைச்சரவை கூட்டம்!
சென்னை தலைமை செயலகத்தில் முதல்வர் ஸ்டாலின் தலைமையில் இன்று அமைச்சரவை கூட்டம் நடைபெற உள்ளது.
காங்கிரஸ் ஆர்ப்பாட்டம்!
அசாம் மாநிலம் லக்கிம்பூரில் ராகுல் காந்தி சென்ற வாகனம் மீது தாக்குதல் நடைபெற்றதை கண்டித்து, சென்னையில் உள்ள அசாம் பவன் முன்பாக காங்கிரஸ் கட்சியினர் இன்று ஆர்ப்பாட்டம் நடத்துகின்றனர்.
மநீம செயற்குழு கூட்டம்!
மக்கள் நீதி மய்யம் கட்சியின் செயற்குழு கூட்டம் இன்று இரண்டாவது நாளாக சென்னை ஆழ்வார்பேட்டையில் உள்ள அக்கட்சி அலுவலகத்தில் நடைபெற உள்ளது.
நெரு திரைப்படம் ரிலீஸ்!
ஜீது ஜோசப் இயக்கத்தில் மோகன்லால் நடித்த நெரு திரைப்படம் டிஸ்னி ப்ளஸ் ஹாட்ஸ்டார் ஓடிடி தளத்தில் இன்று வெளியாகிறது.
பெட்ரோல், டீசல் விலை!
சென்னையில் இன்று 612-வது நாளாக பெட்ரோல், டீசல் விலையில் மாற்றமில்லாமல் ஒரு லிட்டர் பெட்ரோல் ரூ.102.63-க்கும், ஒரு லிட்டர் டீசல் ரூ.94.24-க்கும் விற்பனை செய்யப்படுகிறது.
விளையாட்டு போட்டிகள்!
முன்னாள் முதல்வர் கலைஞர் நூற்றாண்டு விழாவை முன்னிட்டு புதுக்கோட்டை மாவட்டத்தில் இன்று கபடி, கால்பந்து விளையாட்டு போட்டிகள் நடைபெற உள்ளது.
வானிலை நிலவரம்!
தென்னிந்திய பகுதிகளில் நிலவும் வளிமண்டல கீழடுக்கு சுழற்சி காரணமாக தமிழகத்தில் இன்று லேசானது முதல் மிதமான மழை பெய்யக்கூடும்.
சதுரகிரி செல்ல அனுமதி!
சதுரகிரி சுந்தர மகாலிங்கம் கோவிலுக்கு செல்ல பக்தர்களுக்கு இன்று முதல் ஜனவரி 26 வரை அனுமதி அளிக்கப்பட்டுள்ளது.
யு மும்பா, புனேரி பல்தான் மோதல்!
இன்றைய புரோ கபடி போட்டியில் யு மும்பா, புனேரி பல்தான் அணிகள் மோதுகின்றன.
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…
கிச்சன் கீர்த்தனா: சேமியா பிர்ணி
அய்யா வழியா? அயோத்தி வழியா?: அப்டேட் குமாரு
top ten news today in Tamil January 23 2024
