மத்தியக் குழு ஆய்வு!
டெல்லியில் இருந்து தமிழகம் வந்துள்ள மத்தியக் குழு ஃபெஞ்சல் புயலால் பாதிக்கப்பட்டுள்ள கடலூர், விழுப்புரம், திருவண்ணாமலை, கள்ளக்குறிச்சி மாவட்டங்களில் இன்று (டிசம்பர் 7) ஆய்வு செய்கின்றனர்.
நூல் வெளியீட்டு விழாவில் திருமா
சென்னை அசோக் நகரில் உள்ள விசிக தலைமை அலுவலகத்தில், ஆனந்த் டெல்டும்டே எழுதிய ‘ICONOCLAST’ நூல் வெளியீட்டு விழா விசிக தலைவர் திருமாவளவன் தலைமையில் இன்று நடைபெறுகிறது.
சமூகநீதி மற்றும் பகுத்தறிவு பாசறைக் கூட்டம்!
திமுக மருத்துவ அணி நடத்தும் சமூகநீதி மற்றும் பகுத்தறிவு பாசறைக் கூட்டம் தஞ்சாவூரில் இன்று நடைபெறுகிறது. இந்த கூட்டத்தில் திமுக துணைப் பொதுச்செயலாளரும், மக்களவை கொறடாவுமான ஆ.ராசா கலந்துகொண்டு சிறப்புரையாற்றுகிறார்.
திமுக மாநில ஆதிதிராவிட நலக்குழு கூட்டம்!
திமுக மாநில ஆதிதிராவிட நலக்குழு தென்மண்டல ஆய்வுக் கூட்டம் தூத்துக்குடி மாவட்டம் திருச்செந்தூரில் இன்று நடைபெறுகிறது. திமுக துணைப்பொதுச்செயலாளரும், நாடாளுமன்ற குழு தலைவருமான கனிமொழி இந்த கூட்டத்தில் கலந்துகொண்டு சிறப்புரை ஆற்றுகிறார்.
தொழில்நுட்ப வல்லுநர்கள் ஆய்வு!
கனமழை காரணமாக, திருவண்ணாமலை மலை அடிவாரத்தில் ஏற்பட்ட மண் சரிவு தொடர்பாக மலையின் தன்மை குறித்து புவியியல் மற்றும் சுரங்கத் துறை தொழில்நுட்ப வல்லுனர்கள் குழு இன்று ஆய்வு செய்ய உள்ளனர்.
வானிலை நிலவரம்!
தெற்கு வங்கக்கடலின் மத்திய பகுதிகளில் ஒரு காற்றழுத்த தாழ்வு பகுதி உருவாக்கக்கூடும். இதன்காரணமாக தமிழகத்தில் இன்று லேசானது முதல் மிதமான மழை பெய்யக்கூடும் என்று சென்னை வானிலை ஆய்வு மையம் தெரிவித்துள்ளது.
பெட்ரோல் டீசல் விலை!
சென்னையில் இன்று ஒரு லிட்டர் பெட்ரோல் விலை 10 பைசா குறைந்து ரூ.100.80-க்கும், ஒரு லிட்டர் டீசல் 9 பைசா குறைந்து ரூ.92.39-க்கும் விற்பனை செய்யப்படுகிறது.
உகாண்டா, ரவாண்டா மோதல்!
இன்றைய ஐசிசி டி20 கிரிக்கெட் போட்டியில், உகாண்டா, ரவாண்டா அணிகள் மோதுகின்றன.
அல்லு அர்ஜூன் நிதியுதவி!
தெலங்கானா மாநிலம் ஹைதராபாத்தில் உள்ள சாந்தி தியேட்டரில், ‘புஷ்பா 2’ படம் பார்க்க சென்ற போது கூட்டநெரிசலில் சிக்கி உயிரிழந்த பெண்ணின் குடும்பத்திற்கு தலா ரூ.25 லட்சம் நிதியுதி வழங்கப்படும் என்று அப்படத்தின் நடிகர் அல்லு அர்ஜூன் அறிவித்துள்ளார்.
கொடி நாள்!
இந்தியாவின் முப்படை வீரர்களின் பணிகளையும், தியாகத்தையும் போற்றும் வகையில் கொடி நாள் இன்று கொண்டாடப்படுகிறது.
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…
Bye Bye Pakistan: பாகிஸ்தானை தெறிக்கவிட்ட இந்திய ரசிகர்கள்!
டெல்லியில் தாங்க முடியாத அளவுக்கு எகிறும் காற்று மாசு… இன்று முதல் GRAP 3 அமல்!