ஆளுநர் உரையுடன் தொடங்கும் சட்டப்பேரவை!
தமிழக சட்டப்பேரவையின் இந்த ஆண்டுக்கான முதல் கூட்டம் இன்று (ஜனவரி 6) காலை 9.30 மணிக்கு ஆளுநர் ஆர்.என்.ரவி உரையுடன் தொடங்குகிறது. அண்ணா பல்கலை மாணவி பாலியல் வன்முறை உட்பட பல்வேறு பிரச்னைகளை எழுப்ப எதிர்க்கட்சிகள் தயாராக உள்ளதால் இந்தக் கூட்டத்தொடரில் அனல் பறக்கும் என எதிர்பார்க்கப்படுகிறது.
சென்னை ஸ்மார்ட் அட்டை திட்டம் அறிமுகம்!
சென்னை மாநகர பேருந்துகளில் சிங்காரச் சென்னை ஸ்மார்ட் அட்டை திட்டம் இன்று முதல் அறிமுகம் செய்யப்படுகிறது. இதன் மூலம் பேருந்து, புறநகர் ரயில், மெட்ரோ என மூன்று பொது போக்குவரத்திலும் ஒரே அட்டையை வைத்து பயணிக்க முடியும்.
தனி அதிகாரிகள் நியமனம்!
தமிழகத்தில் 27 மாவட்டங்களில் உள்ள ஊரக உள்ளாட்சி பதவிகளுக்கான பதவிக் காலம் நேற்றுடன் நிறைவடைந்த நிலையில், தனி அதிகாரிகள் நியமனம் குறித்த அறிவிப்பு இன்று தொடங்கும் 2025ஆம் ஆண்டுக்கான முதல் சட்டப்பேரவை கூட்டத் தொடரில் அறிமுகம் செய்யப்படும் என கூறப்படுகிறது.
ஜம்முவில் புதிய ரயில்வே கோட்டம்!
புதிய ஜம்மு ரயில்வே கோட்டம், தெலுங்கானாவில் சர்லபள்ளி புதிய ரயில் முனையம் ஆகியவற்றை இன்று மதியம் 12:30 மணிக்கு காணொலி காட்சி மூலம் பிரதமர் மோடி திறந்து வைக்கிறார்.
ஜல்லிக்கட்டு முன்பதிவு ஆரம்பம்!
மதுரை மாவட்டம் அவனியாபுரம், பாலமேடு, அலங்காநல்லூரில் நடைபெறும் ஜல்லிக்கட்டு போட்டிகளில் பங்கேற்கும் காளைகள், வீரர்கள் www.madurai.nic.in என்ற வலைதளத்தில் தங்களது பெயரை இன்று மாலை 5 மணி முதல் நாளை மாலை 5 மணிக்குள் பதிவு செய்ய வேண்டும் என மாவட்ட நிர்வாகம் தெரிவித்துள்ளது.
இறுதி வாக்காளர் பட்டியல் வெளியீடு!
அங்கீகரிக்கப்பட்ட அரசியல் கட்சிகளின் பிரதிநிதிகள் முன்னிலையில் மாவட்ட ஆட்சியர்கள் இறுதி வாக்காளர் பட்டியலை இன்று காலை 10 மணிக்கு வெளியிடுவார்கள் என இந்திய தேர்தல் ஆணையம் தெரிவித்துள்ளது.
ஒழுங்கு விதிமுறைகள் அமல்!
சென்னை அண்ணா பல்கலைக்கழக மாணவியை பாலியல் வன்கொடுமை சம்பவத்தின் எதிரொலியாக பல்கலை. வளாகத்திற்குள் மாணவர்கள் பின்பற்ற வேண்டிய விதிமுறைகள் இன்று முதல் அமலுக்கு வருவதாக அப்பல்கலைக்கழக பதிவாளர் தெரிவித்துள்ளார்.
பிசிசிஐ ஆலோசனை கூட்டம்!
இந்தியா ஆஸ்திரேலியா அணிகளுக்கு இடையிலான டெஸ்ட் தொடர் முடிவடைந்த நிலையில் ஐ.சி.சி சாம்பியன்ஸ் டிராபி தொடருக்கான ஆலோசனை கூட்டம் பிசிசிஐ சார்பில் இன்று நடைபெற உள்ளதாக தகவல் வெளியாகி உள்ளது.
மிதமான மழைக்கு வாய்ப்பு!
தமிழகத்தில் இன்று முதல் 9-ம் தேதி வரை ஓரிரு இடங்களிலும், 10, 11-ம் தேதிகளில் கடலோர பகுதிகளில் பெரும்பாலான இடங்களிலும் லேசானது முதல் மிதமான மழைக்கு வாய்ப்புள்ளது என சென்னை வானிலை மையம் தெரிவித்துள்ளது.
பெட்ரோல், டீசல் விலை நிலவரம்!
சென்னையில் இன்று ஒரு லிட்டர் பெட்ரோல் ரூ.100.90க்கும், டீசல் ரூ.92.48க்கும் விற்பனையாகி வருகிறது.
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…
கிச்சன் கீர்த்தனா : ஸ்வீட் கார்ன் – வரகரிசி மசாலா பொங்கல்
இதுக்கெல்லாம் வருத்தப்படலாமா? – அப்டேட் குமாரு
2025-ன் முதல் சட்டமன்றம்… ஆளுநர் அண்ட் எதிர்க்கட்சிகள் திட்டம் என்ன?