தமிழக அமைச்சரவை கூட்டம், வரும் அக்டோபர் 14ம் தேதி முதல்வர் மு.க.ஸ்டாலின் தலைமையில் நடைபெற இருக்கிறது.
தமிழக சட்டப்பேரவை கூட்டத்தொடர் வரும் அக்டோபர் 17ம் தேதி தொடங்க இருக்கும் நிலையில், தமிழக அமைச்சரவை கூட்டம் வரும் அக்டோபர் 14ம் தேதி மாலை 6 மணிக்கு முதல்வர் ஸ்டாலின் தலைமையில் நடைபெற இருக்கிறது.
இக்கூட்டத்தில், சட்டப்பேரவை கூட்டத்தொடரில் நிறைவேற்றப்பட உள்ள முக்கிய சட்டத் திருத்தங்கள், புதிய அறிவிப்புகள் குறித்து ஆலோசனை நடத்தப்பட இருக்கிறது.
மேலும், இந்த அமைச்சரவை கூட்டத்தில் துறைவாரியாக செயல்படுத்தப்பட்டுவரும் திட்டங்கள், அத்திட்டங்களின் நிலை என்ன, எவ்வாறு செயல்படுத்தப்பட்டு வருகிறது என்பது குறித்து ஆலோசிக்கப்பட இருக்கிறது.
பருவமழை தொடங்க இருக்கும் நிலையில், தமிழகத்தில் அதுகுறித்த முன்னெச்சரிக்கைப் பணிகள், சென்னையில் நிறைவேற்றப்பட்டுள்ள மழைநீர் வடிகால் பணிகள் மற்றும் வெள்ளத் தடுப்புப் பணிகள் குறித்தும் ஆலோசிக்கப்பட இருக்கிறது. புதிய தொழிலுக்கு அனுமதி வழங்குவது குறித்தும் விவாதிக்கப்பட இருக்கிறது.
முக்கியமாக, சட்டப்பேரவை கூட்டத்தொடரில் நிதிநிலை அறிக்கையின் மீதான விவாதங்களுக்கு தயாராகும் வகையில் இந்த அமைச்சரவை கூட்டம் இருக்கும் என்று சொல்லப்படுகிறது.
ஜெ.பிரகாஷ்
கனிமொழியை வாழ்த்திய உதயநிதி: கருப்பு சோபாவில் இருந்து கண்ட கலைஞர்
