இரண்டாம் கட்ட மக்களவை தேர்தல்: 60.96% வாக்குப்பதிவு!

13 மாநிலங்களில் 88 தொகுதிகளில் நாடாளுமன்ற இரண்டாம் கட்ட தேர்தல் இன்று (ஏப்ரல் 26) நிறைவடைந்தது.

18-வது மக்களவையை தேர்ந்தெடுப்பதற்கான நாடாளுமன்ற தேர்தல், ஏப்ரல் 19 தொடங்கி ஜூன் 1 வரை ஏழு கட்டங்களாக நடைபெற உள்ளது.

அந்தவகையில் தமிழகம் உள்ளிட்ட 21 மாநிலங்களில் உள்ள 102 தொகுதிகளில் ஏப்ரல் 19-ஆம் தேதி முதல்கட்ட தேர்தல் முடிந்தது.

இந்தநிலையில், இரண்டாம் கட்ட தேர்தலானது கேரளா, கர்நாடகா, மேற்குவங்கம் உள்ளிட்ட 13 மாநிலங்களில் உள்ள 88 தொகுதிகளுக்கு இன்று காலை 7 மணிக்கு வாக்குப்பதிவு துவங்கியது.

காலையில் விறுவிறுப்பாக நடைபெற்ற வாக்குப்பதிவு வெயிலின் தாக்கத்தால் மதியம் சற்று சுணக்கமடைந்தது. பின்னர் பிற்பகல் 3 மணிக்கு மேல் பொதுமக்கள் அதிகளவில் வாக்குச்சாவடி மையத்திற்கு வந்து தங்களது வாக்குகளை செலுத்தினர்.

கேரள முதல்வர் பினராயி விஜயன், கர்நாடக முதல்வர் சித்தராமையா, நடிகர்கள் மம்முட்டி, பிரகாஷ் ராஜ்,  ஃபகத் ஃபாசில் உள்ளிட்ட திரைபிரபலங்கள் தங்களது வாக்குகளை செலுத்தினர்.

மாலை 5 மணி நிலவரப்படி 60.96 சதவிகித வாக்குகள் பதிவாகியுள்ளதாக தேர்தல் ஆணையம் தெரிவித்துள்ளது. இதில் அதிகபட்சமாக திரிபுராவில் 77.53 சதவிகித வாக்குகளும், குறைந்தபட்சமாக உத்தரபிரதேசத்தில் 52.74 சதவிகித வாக்குகளும் பதிவாகியுள்ளது.

மணிப்பூர் – 76.06%

மேற்குவங்கம் – 71.84%

சத்தீஸ்கர் – 72.13%

அஸ்ஸாம் – 70.66%

மகாராஷ்டிரா – 53.51%

பிகார் – 53.03%

மத்திய பிரதேசம் – 54.83%

ராஜஸ்தான் – 59.19%

கேரளா – 63.97%

கர்நாடகா – 63.90%

ஜம்மு காஷ்மீர் – 67.22%

திரிபுரா –  77.53%

உத்தரபிரதேம் – 52.74%

செல்வம்

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…

சல்யூட் மேஜர் முகுந்த்: “அமரன்” டீம் வெளியிட்ட வீடியோ!

ரூ.4 கோடி பறிமுதல்… நயினார் வழக்கு சிபிசிஐடிக்கு மாற்றம்!