நடிகர் கமல்ஹாசன் மருத்துவமனையில் இருந்து வீடு திரும்பினார்.
கடந்த சில நாட்களுக்கு முன்பு ஐதராபாத் சென்ற நடிகர் கமல்ஹாசன், அங்கு இயக்குநர் விஸ்வநாத்தைச் சந்தித்தார். மேலும் அங்கு சில நிகழ்ச்சிகளில் கலந்துகொண்டு நேற்று (நவம்பர் 23) மதியம் சென்னை திரும்பினார்.
இதையடுத்து, நேற்று இரவு அவருக்கு திடீரென்று உடல்நலக் குறைவு ஏற்பட்டது. இதனால், அவர் சென்னை போரூரில் உள்ள ராமச்சந்திரா மருத்துவமனையில் சிகிச்சைக்காக அனுமதிக்கப்பட்டார். அங்கு அவருக்கு டாக்டர்கள் சிகிச்சை அளித்தனர்.
இது தொடர்பாக மருத்துவமனை வெளியிட்டிருந்த அறிக்கையில், ‘லேசான காய்ச்சல் காரணமாக நேற்று இரவு நடிகர் கமல்ஹாசன் மருத்துவமனையில் அனுமதிக்கப்பட்டார்.
மருத்துவர்கள் மேற்கொண்ட சிகிச்சையில் அவர் தற்போது நலமாக உள்ளார்’ எனத் தெரிவிக்கப்பட்டது. இதனைத் தொடர்ந்து நடிகர் கமல்ஹாசன் மருத்துவமனையிலிருந்து இன்று காலை வீடு திரும்பினார்.
ஜெ.பிரகாஷ்
ஒற்றுமை யாத்திரை: ராகுலுடன் இணைந்த பிரியங்கா
முத்துசாமி தீட்சிதர் பெற்ற வீணை: மகிழ்ச்சியில் மத்திய அமைச்சர்
