ஆஸ்கர் விருது : வெற்றியாளர்களின் முழு பட்டியல் இதோ!

திரைத்துறையில் உலகின் உயர்ந்த விருதாக கருதப்படுகிறது ஆஸ்கர். இதனை எப்படியாவது தங்கள் கைகளில் ஏந்த வேண்டும் என்பது தான் திரைத்துறைக்குள் நுழையும் பலரின் கனவாக இருக்கும். Oscar award 2025 : Here is the full list of winners!

இந்த நிலையில் தான் 97வது ஆஸ்கர் விருது வழங்கும் விழா அமெரிக்காவின் கலிபோர்னியா மாகாணத்தில் உள்ள லாஸ் ஏஞ்சல்ஸ் நகரில் விமரிசையாக இன்று (மார்ச் 3) நடைபெற்றது. இதனை பிரபல நடிகர் கோனன் ஓ’பிரையன் தொகுத்து வழங்கினார்.

இந்தாண்டு அதிகபட்சமாக ‘அனோரா’ சிறந்த படம் உட்பட ஐந்து விருதுகளை வென்று சாதனை படைத்துள்ளது. அதில், சிறந்த படம், சிறந்த இயக்குனர், சிறந்த ஒரிஜினல் திரைக்கதை மற்றும் சிறந்த திரைப்பட எடிட்டிங் ஆகிய பிரிவுகளில் சீன் பேக்கர் மட்டுமே நான்கு விருதுகளை பெற்றார் என்பது குறிப்பிடத்தக்கது.

தி ப்ரூடலிஸ்ட் படத்திற்காக அட்ரியன் பிராடி சிறந்த நடிகராகவும், கீரன் கல்கின் சிறந்த துணை நடிகருக்கான ஆஸ்கார் விருதை எ ரியல் பெயின் படத்திற்காகவும் வென்றார். அரோனா படத்தில் நடித்தற்காக மைக்கி மேடிசன் சிறந்த நடிகையாகவும், எமிலியா பெரெஸில் நடித்ததற்காக ஜோ சல்டானா சிறந்த துணை நடிகையாகவும் அறிவிக்கப்பட்டனர். இதே போன்று 23 பிரிவுகளில் விருது வழங்கப்பட்டது.

இந்த நிகழ்ச்சியில் சமீபத்தில் ஏற்பட்ட லாஸ் ஏஞ்சல்ஸ் காட்டுத்தீயை அணைக்கப் போராடிய தீயணைப்பு வீரர்கள் கெளரவிக்கப்பட்டனர். மேலும் அதில் சிக்கி உயிரிழந்தவர்களுக்கும் அஞ்சலி செலுத்தப்பட்டது.

2025 ஆஸ்கார் விருது வென்றவர்களின் முழு பட்டியல் பின்வருமாறு.