“இது ஹாஸ்டல் சாப்பாடா? இல்ல கல்யாண விருந்தா?” – இணையத்தை வாய்பிளக்க வைத்த NIT காலிகட் மெனு!

By Santhosh Raj Saravanan

|

Published on 27 Jan 2026, 11:35 AM

nit calicut hostel food viral video marriage catering menu tamil

வழக்கமாக ஹாஸ்டல் சாப்பாடு என்றாலே நம் நினைவுக்கு வருவது – தண்ணீர் போன்ற தால் (Dal), கல்லு மாதிரி சப்பாத்தி மற்றும் பெயருக்கு மிதக்கும் காய்கறிகள் தான். “வீட்டுச் சாப்பாடு எப்போ கிடைக்கும்?” என்று ஏங்கித் தவிக்கும் மாணவர்களைத் தான் நாம் பார்த்திருப்போம்.

ஆனால், கேரளாவில் உள்ள என்.ஐ.டி காலிகட் (NIT Calicut) விடுதியின் உணவு வீடியோ ஒன்று, இந்த பிம்பத்தை மொத்தமாக உடைத்து எறிந்துள்ளது. அந்த வீடியோவைப் பார்த்த நெட்டிசன்கள், “இது என்ன காலேஜ் மெஸ்ஸா? இல்ல ஃபைவ் ஸ்டார் ஹோட்டலா?” என்று வாய்பிளந்து நிற்கிறார்கள்.

ADVERTISEMENT

வைரல் வீடியோவில் என்ன இருக்கிறது? அங்கு படிக்கும் எக்தா அனில் குமார் (Ektha Anil Kumar) என்ற மாணவி, தனது இன்ஸ்டாகிராமில் பகிர்ந்த வீடியோவில் காட்டப்படும் உணவு வகைகளைப் பார்த்தால் நமக்கே பசிக்கிறது.

  • காலை உணவு: வெறும் இட்லி, தோசை மட்டுமல்ல… ஆப்பம் வித் ஸ்டூ (Appam with Stew), பாவ் பாஜி (Pav Bhaji), முளைகட்டிய பயறு, அவித்த முட்டை, பிரட்-பட்டர், பால், காபி, பழங்கள் மற்றும் கார்ன் ஃப்ளேக்ஸ்! இது காலை டிபன் மட்டும்தான்.
  • மதிய உணவு: சிக்கன் பிரியாணி, மீன் குழம்பு (Fish Curry), குலாப் ஜாமூன், சாம்பார் மற்றும் பல வகை காய்கறிகள்.
  • இரவு உணவு: சில்லி சிக்கன் (Chilli Chicken), மென்மையான சப்பாத்தி, பன்னீர் கிரேவி (Paneer), சாலட் மற்றும் பழங்கள்.

இவை அனைத்தும் “அன்லிமிடெட்” (Unlimited) என்று அந்த மாணவி கூறும்போதுதான் நமக்குத் தலை சுற்றுகிறது.

ADVERTISEMENT

“கல்யாண கேட்டரிங் மாதிரி இருக்கே!” இந்த வீடியோவைப் பார்த்த இணையவாசிகள் சும்மா விடுவார்களா? கமெண்ட் செக்ஷனில் கிண்டலும் கேலியும் களைகட்டுகிறது.

  • ஒருவர், “டேய்! இது ஹாஸ்டல் சாப்பாடு இல்ல… ஏதோ கல்யாண வீட்டுப் பந்தி மாதிரி இருக்கு,” என்று பதிவிட்டுள்ளார்.
  • இன்னொருவர், “எங்க ஹாஸ்டல்ல தண்ணில தால் தேடுவோம்… இங்க தால்ல நெய் மிதக்குது!” என்று ஏக்கத்துடன் கமெண்ட் செய்துள்ளார்.
  • “இந்த வீடியோவைப் பார்த்த பிறகு, என் காலேஜ் அட்மிஷனை கேன்சல் பண்ணிட்டு இங்க சேரலாம்னு தோணுது,” என்று ஜாலியாகப் புலம்புகிறார்கள் மாணவர்கள்.

உண்மை என்ன? இது ஏதோ ஒருநாள் நடந்த விசேஷம் அல்ல. என்.ஐ.டி காலிகட்டில் உள்ள ‘டி ஹாஸ்டல்’ (Hostel D) மெஸ்ஸில், ஆர்.கே கேட்டரர்ஸ் (RK Caterers) வழங்கும் வழக்கமான மெனுதானாம் இது. கேரளாவின் சுவையான அசைவ உணவுகளும், வட இந்திய மாணவர்களுக்கான பன்னீர் வகைகளும் இங்கு தாராளமாகக் கிடைக்கின்றன.

ADVERTISEMENT

மொத்தத்தில், “ஹாஸ்டல் சாப்பாடுனாலே மோசம்”னு சொல்றவங்களுக்கு, இந்த வீடியோ ஒரு ‘தரமான’ பதில்!

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Santhosh Raj Saravanan

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel