நேபாள நாட்டின் ரிசர்வ் வங்கி வெளியிட்ட புதிய ரூ.100 நோட்டுகள், இந்தியாவை கடும் சீற்றமடைய வைத்துள்ளது.
Gen Z புரட்சிகளால் அரசியல் நிலையற்ற சூழல் நீடித்து வரும் நேபாளம் தனது நாட்டு ரிசர்வ் வங்கி மூலம் புதிய ரூ.100 நோட்டுகளை வெளியிட்டுள்ளது. இதில் இந்தியாவின் பகுதிகளை தம்முடைய நாட்டின் பகுதிகளாக நேபாளம் குறிப்பிட்டுள்ளது.
எந்த பகுதிகளால் சர்ச்சை?
இந்தியாவின் உத்தரகாண்ட் மாநிலத்தின்
- காலாபாணி
- லிபுலேக்
- லிம்பியாதுரா
ஆகிய பகுதிகளைத்தான் நேபாளம் தங்களது நாட்டின் பகுதியாக ரூபாய் நோட்டுகள் மூலம் உரிமை கோரி இருக்கிறது. இப்பகுதிகளுக்கு சீனாவும் ஏற்கனவே உரிமை கோரியது.
இந்தியாவின் பகுதிகளை நேபாளம் ஏற்கனவே உரிமை கோரி பெரும் சர்ச்சையானது. கடந்த 2020-ம் ஆண்டு இதே 3 பகுதிகளை தங்களது நாட்டின் வரைபடத்தில் இணைத்து நேபாளம் வெளியிட்டது பெரும் சர்ச்சையானது குறிப்பிடத்தக்கது.