கடந்த 40 ஆண்டுகளில் இல்லாத அளவிற்கு 2022-23-ஆம் ஆண்டில் 5,36,000 ஏக்கர் பரப்பளவில் குறுவை சாகுபடி செய்யப்பட்டுள்ளது என்று வேளாண் மற்றும் உழவர் நலத்துறை அமைச்சர் எம்.ஆர்.கே.பன்னீர் செல்வம் தெரிவித்துள்ளார்.
சட்டமன்றத்தில் வேளாண் பட்ஜெட்டை தாக்கல் செய்து அமைச்சர் எம்.ஆர்.கே.பன்னீர் செல்வம் பேசியபோது, “2022-23-ஆம் ஆண்டில் பல தொலை நோக்கு திட்டங்களை செயல்படுத்தியதன் காரணமாக மொத்த சாகுபடி பரப்பு 1,93,000 ஹெக்டேர் அதிகரித்துள்ளது. மொத்தமாக 69,48,000 ஹெக்டேர் பரப்பில் சாகுபடி மேற்கொள்ளப்பட்டுள்ளது.
கடந்த 40 ஆண்டுகளில் இல்லாத வகையில் 2022-23-ஆம் ஆண்டில் குறுவை சாகுபடி டெல்டா மாவட்டங்களில் 5,36,000 ஏக்கர் பரப்பளவில் செய்யப்பட்டுள்ளது.
கடந்த இரண்டு ஆண்டுகளில் விவசாயிகளுக்கு 1,50,000 புதிய மின் இணைப்புகள் வழங்கப்பட்டுள்ளது.
2022-23-ஆம் ஆண்டில் 185 வேளாண் பட்டதாரிகள் தேர்வு செய்யப்பட்டு தலா ரூ.1 லட்சம் மானியம் வழங்கப்பட்டு அவர்கள் மூலமாக வேளாண்மை சார்ந்த தொழில்கள் தொடங்கப்பட்டது.
ஒரு மெட்ரிக் டன் கரும்புக்கு ரூ.195 கூடுதலாக வழங்கி கொள்முதல் செய்யப்படுகிறது” என்று தெரிவித்தார்.
செல்வம்