மோடியின் அமெரிக்கா ‘டீல்’.. அங்கிட்டு டிஆர் பாலு.. இங்கிட்டு திருச்சி சிவா.. நாடாளுமன்றத்தில் திமுக நோட்டீஸ்!

By Mathi

|

Published on 4 Feb 2026, 10:11 AM

DMK Modi US Deal

இந்தியா- அமெரிக்கா இடையேயான புதிய வர்த்தக ஒப்பந்தம் குறித்து விவாதிக்க நாடாளுமன்றத்தின் இரு அவைகளிலும் திமுக எம்.பிக்கள் டிஆர் பாலு, திருச்சி சிவா நோட்டீஸ் கொடுத்துள்ளனர்.

அமெரிக்கா அதிபர் டொனால்ட் டிரம்ப் திடீரென, ”இந்தியாவுடன் புதிய வர்த்தக ஒப்பந்தம் கையெழுத்தாகிறது; ரஷ்யாவிடம் இருந்து கச்சா எண்ணெய் வாங்குவதில்லை என இந்தியா முடிவு செய்துவிட்டதால் இந்த வர்த்தக ஒப்பந்தம் கையெழுத்தாகிறது; இந்திய பொருட்கள் மீதான வரி 18% ஆக குறைக்கப்படுகிறது; அமெரிக்காவின் பொருட்களையே இனி வாங்குவோம் என பிரதமர் மோடி ஒப்புக் கொண்டுள்ளார்” என அறிவித்தார்.

ADVERTISEMENT

இது தொடர்பாக பிரதமர் மோடி கூறுகையில், “அமெரிக்கா வரி குறைப்பை அறிவித்துள்ளதற்கு நன்றி” என தெரிவித்திருந்தார். ஆனால் புதிய வர்த்தக ஒப்பந்தம் குறித்து மோடி எதுவும் தெரிவிக்கவில்லை.

இந்த விவகாரம் தற்போது பெரும் புயலைக் கிளப்பி இருக்கிறது. அமெரிக்காவின் பொருட்களையே வாங்குவோம் என்ற மோடியின் முடிவால் இந்திய விவசாயிகளின் எதிர்காலம் மிகப் பெரும் கேள்விக்குறியாகி உள்ளதாக நாடாளுமன்றத்தில் எதிர்க்கட்சிகள் குற்றம்சாட்டி வருகின்றன.

ADVERTISEMENT

இந்நிலையில் இந்தியா- அமெரிக்கா இடையேயான புதிய வர்த்தக ஒப்பந்தம் குறித்து நாடாளுமன்றத்தின் மக்களவை, மாநிலங்களவையில் விவாதிக்க கோரி திமுகவின் டிஆர் பாலு, திருச்சி சிவா ஆகியோர் ஒத்திவைப்பு தீர்மான நோட்டீஸ் கொடுத்துள்ளனர்.

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Mathi

மா.ச.மதிவாணன் (Mathivanan Maran- Mathi) 30 ஆண்டுகள் ஊடகத் துறை அனுபவம், அச்சு, இணையம், வானொலி, தொலைக்காட்சி ஊடகங்களில் பணியாற்றியவர்.

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel