“போர்டு எக்ஸாம் வருதுன்னு பயமா இருக்கா? மார்க் குறைஞ்சிடுமோன்னு டென்ஷனா?” இந்தக் கவலையை விரட்ட, பிரதமர் நரேந்திர மோடியே களத்தில் இறங்கி மாணவர்களுடன் உரையாடும் நிகழ்ச்சிதான் ‘பரிக்ஷா பே சர்ச்சா’ (Pariksha Pe Charcha – PPC). நாடு முழுவதும் உள்ள மாணவர்கள் ஆவலோடு எதிர்பார்க்கும் இந்த நிகழ்ச்சியின் 2026ஆம் ஆண்டுக்கான பதிப்பு (9th Edition) விரைவில் நடைபெறவுள்ளது.
இதற்கான ஆன்லைன் விண்ணப்பப் பதிவு தற்போது விறுவிறுப்பாகத் தொடங்கியுள்ளது. பிரதமரை நேரில் சந்தித்துப் பேசவும், அவரிடம் கேள்வி கேட்கவும் துடிக்கும் மாணவர்களுக்கு இது ஒரு ‘ஜாக்பாட்’ வாய்ப்பு!
யாரெல்லாம் பங்கேற்கலாம்?
இந்த நிகழ்ச்சி வெறும் மாணவர்களுக்கு மட்டுமல்ல; ஆசிரியர்கள் மற்றும் பெற்றோர்களுக்கும் சேர்த்தே நடத்தப்படுகிறது.
- மாணவர்கள்: 6ஆம் வகுப்பு முதல் 12ஆம் வகுப்பு வரை படிக்கும் பள்ளி மாணவர்கள்.
- ஆசிரியர்கள் & பெற்றோர்கள்: இவர்களும் தனியாகப் பதிவு செய்து போட்டியில் கலந்து கொள்ளலாம்.
என்ன செய்ய வேண்டும்?
பிரதமரைச் சந்திக்க வேண்டும் என்றால், ஒரு சிறிய ஆன்லைன் போட்டியில் (Online MCQ Competition) பங்கேற்க வேண்டும். மத்தியக் கல்வி அமைச்சகத்தின் கீழ் செயல்படும் innovateindia.mygov.in என்ற இணையதளத்தில் இதற்கான பிரத்யேகப் பக்கம் தொடங்கப்பட்டுள்ளது. அதில் கொடுக்கப்பட்டுள்ள கருப்பொருள்களின் (Themes) அடிப்படையில் கேட்கப்படும் எளிய கேள்விகளுக்குப் பதிலளிக்க வேண்டும்.
மேலும், பிரதமரிடம் நீங்கள் கேட்க விரும்பும் கேள்வியையும் (500 எழுத்துகளுக்கு மிகாமல்) சமர்ப்பிக்கலாம். இதில் சிறந்த கேள்விகள் தேர்ந்தெடுக்கப்பட்டு, நிகழ்ச்சி நடைபெறும் அன்று பிரதமரிடம் நேரடியாகக் கேட்கும் வாய்ப்பு வழங்கப்படும்.
பரிசு என்ன தெரியுமா?
இந்தக் போட்டியில் வெற்றிபெறும் சுமார் 2,050 மாணவர்கள், ஆசிரியர்கள் மற்றும் பெற்றோர்கள் தேர்ந்தெடுக்கப்படுவார்கள்.
- நேரடிச் சந்திப்பு: டெல்லியில் நடைபெறும் பிரம்மாண்டமான ‘பரிக்ஷா பே சர்ச்சா’ நிகழ்ச்சியில் கலந்துகொண்டு பிரதமருடன் நேரடியாக உரையாடலாம்.
- பரிசுப் பெட்டகம்: வெற்றி பெற்றவர்களுக்குப் பிரதமர் எழுதிய ‘எக்ஸாம் வாரியர்ஸ்’ (Exam Warriors) புத்தகம் மற்றும் சான்றிதழ் அடங்கிய சிறப்புப் பரிசுப் பெட்டகம் (PPC Kit) வழங்கப்படும்.
- டிஜிட்டல் சான்றிதழ்: பங்கேற்கும் அனைவருக்கும் என்சிஇஆர்டி (NCERT) இயக்குநரின் கையொப்பமிட்ட டிஜிட்டல் சான்றிதழ் வழங்கப்படும்.
கடைசி தேதி எப்போது?
“பொறுமையாகப் பண்ணிக்கலாம்” என்று தள்ளிப் போடாதீர்கள். இந்த அரிய வாய்ப்பைப் பயன்படுத்திக் கொள்ளக் கடைசித் தேதி நெருங்கிக் கொண்டிருக்கிறது. ஆர்வமுள்ளவர்கள் டிசம்பர் 26, 2025ஆம் தேதிக்குள் (உத்தேச தேதி) விண்ணப்பிக்குமாறு அறிவுறுத்தப்படுகிறார்கள்.
எப்படி விண்ணப்பிப்பது?
innovateindia.mygov.in/ppc-2026 இணையதளத்திற்குச் செல்லுங்கள். ‘Participate Now’ என்ற பட்டனை கிளிக் செய்யவும். மாணவர்கள் தாங்களாகவோ அல்லது ஆசிரியர் மூலமாகவோ பதிவு செய்யலாம். தேர்வு பயத்தைத் தூக்கி எறிந்துவிட்டு, பிரதமருடன் ஜாலியாகப் பேசக் கிடைத்திருக்கும் இந்த வாய்ப்பை நழுவ விடாதீர்கள்!