அரக்கோணம் மக்களவை தொகுதியில் ஜெகத்ரட்சகன் வெற்றி பெற்றார்.
2024 மக்களவை தேர்தலில் அரக்கோணம் மக்களவைத் தேர்தலில் திமுக சார்பில் ஜெகத்ரட்சகன் மீண்டும் களமிறக்கப்பட்டார்.
அதிமுக சார்பாக எல்.விஜயன், பாமக சார்பில் கே.பாலு ஆகியோர் களம் கண்டனர்.
நடந்து முடிந்த மக்களவைத் தேர்தலில் பதிவான வாக்குகள் வாலாஜாபேட்டையில் உள்ள அறிஞர் அண்ணா அரசினர் மகளிர் கலைக்கல்லூரியில் நேற்று ஜூன் 4ஆம் தேதி எண்ணப்பட்டன.
இதன்முடிவில் ஜெகத்ரட்சகன் 5,63,216 வாக்குகள் பெற்று 3,06,559 வாக்குகள் வித்தியாசத்தில் அதிமுகவின் எல்.விஜயனை தோற்கடித்தார்.
2,02,325 வாக்குகளுடன் பாமகவும், 9,89,44 வாக்குகளுடன் நாதகவும் அடுத்தடுத்த இடத்தில் உள்ளன.
நான்காவது முறையாக இந்த தொகுதியில் இருந்து தேர்ந்தெடுக்கப்பட்டுள்ளார் ஜெகத்ரட்சகன்.
2019 தேர்தலில் பாமக மூர்த்தியை 3,28,956 வாக்கு வித்தியாசத்தில் தோற்கடித்து வெற்றி பெற்றார் என்பது குறிப்பிடத்தக்கது.
பிரியா
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…