குழந்தைகளுக்குப் பிடித்த உணவைத் தயாரித்துக் கொடுப்பது சற்று சிரமமான விஷயம்தான். அந்த வகையில் எளிதாகச் செய்யக்கூடிய இந்த சாக்லேல் பால்ஸ் குழந்தைகளை மட்டுமல்ல… வீட்டிலுள்ள அனைவரையும் குஷிப்படுத்தும்; கொண்டாட வைக்கும்.
என்ன தேவை?
பொடித்த சர்க்கரை – அரை கப்
வெண்ணெய் – 2 டீஸ்பூன்
கோகோ பவுடர் – 3 டீஸ்பூன்
பால் பவுடர் – அரை கப்
பால் – ஒரு டீஸ்பூன்
சீரக மிட்டாய் அல்லது ஜெம்ஸ் மிட்டாய் – அலங்கரிக்க (விருப்பப்பட்டால்)
சாக்கோ சிப் – சிறிதளவு (விருப்பப்பட்டால்)
எப்படிச் செய்வது?
பால் தவிர்த்து மேலே கொடுக்கப்பட்டுள்ள அனைத்து பொருட்களையும் ஒன்றாக கலக்கவும். அதனுடன் பால் கலந்து உருண்டைகளாக உருட்டவும். சீரக மிட்டாய் அல்லது ஜெம்ஸ் மிட்டாய் தூவி அலங்கரித்துப் பரிமாறவும்.
குறிப்பு: பால் பவுடர் கலந்ததும் மாவு ஈரப்பதத்துடன் இருந்தால், அதாவது உருட்டும் பக்குவத்தில் இருந்தால் பால் சேர்க்கத் தேவையில்லை. உருண்டை பிடிக்கும்போது உள்ளே ஒரு சாக்கோ சிப் வைத்தும் உருண்டை பிடிக்கலாம்.