�
விஜய்க்கு மாஸ்டர் இயக்கியதைத் தொடர்ந்து, லோகேஷ் கனகராஜ் இயக்கும் படம் கமல்ஹாசன் நடிக்கும் விக்ரம். இந்தப் படம் கமல்ஹாசனுக்கு 232வது படம்.
விக்ரம் படத்துக்கான போஸ்டர், முன்னோட்ட வீடியோக்கள் சமீபத்தில் வெளியாகி வைரலானது. இந்தப் படத்தின் படப்பிடிப்பு எப்படியும் 2021 ஜனவரியில் துவங்கும் என்று சொல்லப்படுகிறது. புது அப்டேட் என்னவென்றால், விக்ரம் படத்தில் கமலுடன் பிரபுதேவா இணைந்து நடிக்க இருக்கிறார்.
கமலும் பிரபுதேவாவும் 1998ல் வெளியான காதலா காதலா படத்தில் இணைந்து நடித்திருப்பார்கள். அந்தப் படமும் பெரிய ஹிட்டான திரைப்படம். 22 வருடத்துக்குப் பிறகு மீண்டும் கமலுடன் நடிக்கிறார் பிரபுதேவா. இப்படத்தில் மிகமுக்கிய கேரக்டரில் இவர் நடிக்க இருக்கிறாராம்.
அனிருத் படத்துக்கு இசையமைப்பது மட்டுமே இப்போதைக்கு உறுதியான தகவல். மற்ற நடிகர்கள், தொழில் நுட்ப கலைஞர்கள் குறித்த தகவல் விரைவிலேயே அறிவிக்க இருக்காம் படக்குழு. தவிர, பொலிட்டிகல் த்ரில்லராக இருக்கும் எனவும், படத்தை ஒரே ஷெட்யூலில் முடித்துவிடத் திட்டமும் இருக்கிறதாம்.
விக்ரம் படத்தை எப்படியும் சட்டமன்றத் தேர்தலுக்கு முன்பாக ரிலீஸ் செய்துவிடும் திட்டத்தில் பணிகளை மேற்கொண்டு வருகிறது தயாரிப்பு நிறுவனமான ராஜ்கமல் நிறுவனம்.
அதோடு, பிரபுதேவா நடிப்பில் பொன்மாணிக்க வேல், பஹீரா, யங் மங் சங், தேள், ஊமை விழிகள் உள்ளிட்ட படங்கள் லைன் அப்பில் இருப்பதும் குறிப்பிடத்தக்கது. அதோடு, சல்மான் கான் நடிப்பில் ராதே படத்தை இயக்கியும் வருகிறார்.
**-ஆதின்
�,”