மின்னம்பலம் மின்னம்பலம்
வியாழன், 28 மே 2020

கிச்சன் கீர்த்தனா: லெமன் பெப்பர் பனீர்

கிச்சன் கீர்த்தனா: லெமன் பெப்பர் பனீர்

இளைஞர்கள் அதிகம் விரும்பி உண்ணும் பொருளாக மாறியிருக்கிறது பனீர்.

இன்றைய நாகரிக உலகில் பனீர் பெரும்பாலானவர்களின் இல்லங்களைச் சென்றடைந்துவிட்டது. புரதச்சத்து மற்றும் வைட்டமின்கள் அதிகம் உள்ள பனீரில் லெமன் பெப்பர் பனீரை செய்து, வீட்டிலுள்ளவர்களின் பலத்தையும் ஆரோக்கியத்தையும் மேம்படுத்துங்கள்.

என்ன தேவை?

பனீர் - 200 கிராம்

எலுமிச்சைப்பழம் - 2 (சாறு பிழியவும்)

மிளகுத்தூள் - 2 டீஸ்பூன்

மிக்ஸ்டு ஹெர்ப்ஸ் - அரை டீஸ்பூன்

வெண்ணெய் - 2 டீஸ்பூன்

உப்பு - தேவையான அளவு.

எப்படிச் செய்வது?

பனீரை பெரிய துண்டுகளாக நறுக்கிக்கொள்ளவும். அதில் எலுமிச்சைச்சாறு, மிளகுத்தூள், உப்பு, மிக்ஸ்டு ஹெர்ப்ஸ் சேர்த்து ஒரு மணி நேரம் ஊறவைக்கவும். பின்பு தவாவில் வெண்ணெய் சேர்த்துச் சூடாக்கி, ஊறிய பனீரை இருபக்கமும் நன்கு பொரித்தெடுக்கவும். லெமன் பெப்பர் பனீர் தயார்.

நேற்றைய ரெசிப்பி: கோவைக்காய் வறுவல்

வெள்ளி, 14 பிப் 2020

chevronLeft iconமுந்தையது