மின்னம்பலம் மின்னம்பலம்
பகல் 1, ஞாயிறு, 12 ஜூலை 2020

சிறப்புப் பத்தி: உலோகமும் காலனியமும்!

சிறப்புப் பத்தி: உலோகமும் காலனியமும்!

முரளி சண்முகவேலன்

லண்டனிலிருந்து முரளி சண்முகவேலன் எழுதும் தொடர்

நான் மதுரை தூய மரியன்னை மேல்நிலைப் பள்ளியில் ஆறாம் வகுப்பு படித்துக்கொண்டிருந்த போது, அப்பள்ளி 75ஆவது ஆண்டு விழாவை வெள்ளைத் தங்க ‘உலோக’ (ப்ளாட்டினம்) விழாவாகக் கொண்டாடியது. என் நினைவில் அப்போது பதிந்தது எல்லாம் 50ஆம் ஆண்டு கொண்டாடப்படும் தங்க விழாவை விட, 75ஆம் ஆண்டு வெள்ளைத் தங்கம் மதிப்பு மிக்கது என்பதாகும். ஏனெனில் ஐம்பதைவிட எழுபத்தைந்து பெரியது என்ற கணித நியாயம். மற்றபடி எனக்கு அந்த வயதில், ப்ளாட்டினம் என்றால் என்னவென்றே தெரியது. அதே சமயத்தில் சமூகத்தில் உள்ள பெரியவர்கள், அரசியல் கட்சிப் பிரபலங்கள், நிறுவனங்கள், அரசுகள் என பிறந்த நாள் ஆண்டு விழாக் கொண்டாட்டங்களுக்கு உலோகங்களின் பெயர் சொல்லி அழைப்பதும் ஒரு வகையான உயர் நாகரீகமாகப் பார்க்கப்படுகிறது. உலோகங்களின் மதிப்புகள் (“இவரு தங்கமானவரு”) நமது கலாச்சாரத்தோடு இணைந்துள்ளன. இம்மாதிரியான சொல்லாடலில் உள்ள உலோகங்களின் பெருமை போற்றுவதில் காலனியத்தின் வரலாறு’ம்’ உள்ளது. அது குறித்த அலசலே இந்த வாரமும் மற்றும் வரும் ஒரு சில வாரங்களிலும் தொடர்ந்து எழுதப்படும்.

“மனிதர்களின் நுழைவுகளை ஒதுக்கும் மேற்குலகம், வர்த்தகத்திற்கு மட்டும் எல்லை இல்லை என்பதின் அரசியலை வரும் வாரங்களில் பார்க்கலாம்” எனப் போன வாரம் எழுதி முடித்திருந்தேன். இவ்வாக்கியத்திற்கு உலோக வியாபாரம், அவற்றின் அரசியல் ஒரு நல்ல உதாரணமாகும். நவீன உலகின் பொதுப்புத்தியானது உலோகங்களின் கண்டுபிடிப்புகள், அவற்றின் உபயோகங்கள் எல்லாம் மேற்குலகின் தொழில் புரட்சியுடன் தொடர்புப்படுத்தியதாகவே உள்ளது. ஆனால் வரலாற்றுப்படி பல உலோகங்கள் மேற்குலகிற்கு வெளியே கண்டுபிடிக்கப்பட்டு, தொடர்ந்து உபயோகத்தில் இருந்துவந்திருப்பது நமக்குத் தெரியவருகிறது. செம்பு (copper) ஒரு உதாரணம். நவீன சகாப்தத்தின் (நவீ. சகா.)9000-ஆம் ஆண்டுகளுக்கு முன்னரே தற்போதைய மத்தியக் கிழக்கு தரைக்கடல் நாடுகளில் செம்பு (தாமிரம்) உபயோகத்தில் இருந்தமைக்கு சாட்சியங்கள் உள்ளன. உதாரணாமாக உலகிலேயே பழமையான செம்பு ஆபரணம் இன்றைய வட ஈராக்கில், நவீ.சகா. 8700-ஆம் ஆண்டுகளுக்கு முன், உருவாக்கப்பட்டிருப்பதாக அகழ்வாராய்ச்சிகள் சொல்கின்றன.

இன்றைய எகிப்தில் நவீ.சகா 3100 ஆண்டுகளுக்கு முன்னர் செம்பு உபயோகத்தில் இருந்துவந்ததற்கான கண்டுபிடிப்புகள் ஆதாரத்துடன் இப்போது பொது வெளிக்கு வந்துள்ளன. சுமேரியாவில் (இன்றைய தெற்கு ஈராக்) செம்புச் சிலைகள் நவீ.சகா 3100ஆம் ஆண்டில் உருவாக்கப்பட்டுள்ளது. ஆக செம்பு அல்லது தாமிர உலோகம் உலகத்தில் ஆயிரக்கணக்கான வருடங்களாக புழக்கத்தில் உள்ளது. அது மட்டுமல்ல, தங்கம், வைரம், பவளம், மாணிக்கம், இரும்பு, எஃகு எனப் பல உலோகங்களும் மேற்குலகிற்கு வெளியே புழக்கத்தில் இருந்து வந்துள்ளது.

ஆனால், இவ்வுலோகங்களை எல்லாம் தற்போது மேற்குலகின் இயந்திரப் புரட்சியோடு மட்டுமே தொடர்புப்படுத்திப் பார்ப்பதின் காரணம் என்ன? காலனியத்தின் அதிகாரங்களையும், வெள்ளை இனத்தவர்களையும் உலோகத்தின் இப்படிச் சொல்வதினால் கீழச் சமுதாயத்தின் கலாச்சாரப் பெருமையை கண்ணை மூடிக்கொண்டு பாடப்பட வேண்டும் என்று பொருளல்ல. மாறாக, மேற்குலகின் இயந்திர / தொழிற்புரட்சிப் பொருளாதாரத்தின் வெற்றியும் அவற்றின் பின்னிருக்கும் இயந்திரப் புரட்சிகளின் வர்ணனைகளும் காலனிய வேர்களில் இருந்தே ஆரம்பிக்கிறது என்பதாகும். இதனாலேயே, மனிதர்களின் கொண்டாட்டங்களை எல்லைகளையும் சுவர்களையும் கட்டித் தடுக்கும் மேற்குலகமானது உலோகங்களையும், இயற்கை வளங்களையும் எப்பாடு பட்டாவது தன் எல்லைக்குள் வைத்திருக்க விரும்புகிறது. அதற்காக தனது எல்லைக் கதவுகளை எப்போதும் திறந்து வைத்துள்ளது. முரண்பாடுள்ள இந்த அரசியல் நிலைப்பாடு இடதுசாரிகளுக்கு எதிரான அமெரிக்கா போன்ற நாடுகளுக்கு மட்டுமல்ல; தற்போது சோஷலிசம் பேசி வரும் பிரிட்டன், ஃபிரான்ஸ், ஜெர்மனி போன்ற நாடுகளுக்கும் பொருந்தும்.

செம்பு என்ற உலோகம் காலனிய அரசியலில் தொடர்ந்து அனுபவித்துவரும் முக்கியத்துவத்தை அடுத்த வாரம் பார்க்கலாம்.

கட்டுரை 1: பிரிட்டனின் இளவரசர் திருமணம் சொல்லும் செய்தி என்ன?

கட்டுரை 2: விண்ட்ரஷின் குழந்தைகள் சொல்லும் பாடம் என்ன?

கட்டுரை 3: காலனியமும் சேவை நிறுவனங்களும்

கட்டுரை 4: காலனியத்துக்கு ஆதரவான சமகாலக் குரல்கள்

கட்டுரை 5: சாம் செல்வன்; டரினிடாட் தமிழர்

கட்டுரை 6: சிறப்புப் பத்தி: நிழல் உலக அறிவுஜீவி சிவானந்தன்

கட்டுரை 7: கலைஞரும் காலனியமும்

கட்டுரை 8: காலனியத்தின் வித்துக்களும் விளைவுகளும்!

கட்டுரை 9: எல்லைப் பாதுகாப்பும் காலனியமும்

கட்டுரை 10: சிறப்புப் பத்தி: சுவர் சொல்லும் பாடம்

(கட்டுரையாளர் குறிப்பு: முரளி சண்முகவேலன், ஊடக மானுடவியலாளர். லண்டனில் உள்ள ஸ்கூல் ஆஃப் ஓரியண்டல் அண்ட் ஆப்பிரிக்கன் ஸ்டடீஸில், சாதி மற்றும் தகவல்தொடர்பு குறித்து ஆய்வு மேற்கொண்டிருப்பவர்.)

(தொடரின் அடுத்த பகுதி வரும் புதன்கிழமை…)

.

வாசகர்களுக்கு ஒரு வேண்டுகோள்!

மின்னம்பலம் தமிழின் டிஜிட்டல் தினசரி இதழ் எந்தவித விருப்பு வெறுப்புகளுக்கும் இடம் கொடுக்காமல், ஊடக அறத்தின் துணை கொண்டு ஜனநாயகப் பயணம் மேற்கொண்டிருப்பதைத் தாங்கள் அறிவீர்கள்.

சாமானிய மக்களின் நலனுக்காக, ஒட்டுமொத்த நாட்டு நலனுக்காக மின்னம்பலம் வெளியிடும் செய்திகள், கட்டுரைகள், புலனாய்வுகளுக்குப் பின்னணியில் பலத்த உழைப்பும் நேர்மையும் இருக்கிறது. மின்னம்பலத்தின் இந்தச் சீரிய பயணம் பொருளாதாரப் பிரச்சினைகளால் பாதிக்கப்படாமல் இருக்க வாசகர்களின் ஆதரவைக் கோருகிறோம்.

மின்னம்பலத்தை நேசிக்கும் வாசகர்கள் சந்தா செலுத்துவது, நன்கொடை வழங்குவது போன்றவற்றின் மூலமாக எங்களுக்கு உதவலாம்.

மின்னம்பலத்துக்கு ஆதரவளியுங்கள், தோள் கொடுங்கள். தொடர்ந்து பயணிப்போம்!

சந்தா கட்டணத்தை உங்கள் (ஆண்ட்ராய்டு / ஐபோன்) செல்போனிலிருந்தே செலுத்துவதற்கான எளிய வழிமுறைகள் இதோ...

1. பின்வரும் ஏதாவது ஒரு UPI செயலியை (ஆப்) உங்கள் செல்போனில் பதிவிறக்கம் செய்யவும். அதன்பின் அந்தச் செயலியில் உள்ள உங்கள் மொபைல் கட்டணச் சேவை முகவரியைக் (Virtual Private Address) குறித்துக் கொள்ளுங்கள்.

பீம் (BHIM) Android / IOS

டெஸ் (TEZ) Android / IOS

போன்பே (PhonePe) Android / IOS

பேடிஎம் (Paytm) Android / IOS

2. பின்னர் கீழே உள்ள என்.மின்னம்பலம் வலைப் பக்கத்தை க்ளிக் செய்யுங்கள். அதில் கேட்கப்பட்டுள்ள விவரங்களைப் பதிவு செய்து, நீங்கள் விரும்பும் சந்தா தொகையைத் தேர்ந்தெடுக்கவும். பின்னர் உங்கள் மொபைல் கட்டணச் சேவை முகவரியை அதற்கான இடத்தில் உள்ளிட்டு, தொகையைச் செலுத்தலாம்.

en.minnambalam.com/subscribe.html

3. மீண்டும் உங்கள் செயலிக்குச் சென்று பணப் பரிவர்த்தனைக்கு ஒப்புதல் அளிக்கவும்.

.

சந்தேகங்கள் இருப்பின் தொடர்பு கொள்ள வாட்ஸ் அப் எண் +91 6380977477

புதன், 5 செப் 2018

chevronLeft iconமுந்தையது
அடுத்ததுchevronRight icon